ជប៉ុនកំពុងកំណត់ថ្ងៃដើម្បីប្រកាសឈ្មោះសម័យកាលថ្មី សម្រាប់អធិរាជបន្ទាប់របស់ពួកគេ

រដ្ឋាភិបាលជប៉ុនកំពុងរៀបចំកិច្ចប្រជុំកំពូលសម្ងាត់ ដើម្បីសម្រេចនូវឈ្មោះសម័យកាលថ្មីមួយ សម្រាប់ព្រះអង្គម្ចាស់រាជបល្ល័ង្ក Naruhito ដែលនឹងគ្រោងគ្រងរាជ្យបន្តពីព្រះបិតារបស់ទ្រង់ នៅថ្ថ្ងៃ ទី១ ខែឧសភា ខាងមុខ។ ព្រះចៅអធិរាជ Akihito ដែលជាព្រះមហាក្សត្របច្ចុប្បន្ន និងជាព្រះរាជបិតារបស់ទ្រង់ Naruhito នឹងដាក់រាជបល្ល័ង្គ នៅថ្ងៃ ទី៣០ ខែមេសា ជាមួយនឹងការមកដល់ទីបញ្ចប់នៃសម័យកាល «Heisei» របស់ព្រះអង្គផងដែរ។

យ៉ាងណាមិញរដ្ឋាភិបាលរបស់នាយករដ្ឋមន្ត្រីលោក Shinzo Abe ក្នុងថ្ងៃច័ន្ទនេះនឹងបង្ហាញឈ្មោះសម័យកាល ឬ «gengo» ថ្មីសម្រាប់រជ្ជកាលរបស់ទ្រង់ Naruhito ។ ការប្រកាសឈ្មោះសម័យកាលថ្មីនេះ គឺត្រូវមានរយៈពេលមុនមួយខែ ដើម្បីអនុញ្ញាតឱ្យរដ្ឋាភិបាល ពាណិជ្ជកម្ម និងវិស័យដទៃទៀត អាចកែតម្រូវទៅនឹងការផ្លាស់ប្តូរនេះ បើទោះបីជាប្រព័ន្ធនេះគឺមិនមានកាតព្វកិច្ចទាក់ទងគ្នា ហើយព្រះអធិរាជមិនមានអំណាចក្នុងនយោបាយក៏ដោយក្តី៕

អត្ថបទ៖ លីដា
ប្រភព៖ Time