អភិបាលខេត្តកណ្តាល ថាមិនមានការបិទទីងមោងនោះទេ គ្រាន់តែស្នើឱ្យរៀបចំឱ្យមានសណ្តាប់ធ្នាប់ល្អ

(កណ្តាល)៖ យោងតាមការចុះផ្សាយរបស់ក្រសួងព័ត៌មាន ឯកឧត្ដម គួច ចំរើន អភិបាលនៃគណៈអភិបាលខេត្តកណ្តាល នាព្រឹកថ្ងៃទី១២ ខែកក្កដានេះ បានបញ្ជាក់ថា ពុំមានការបិទមិនឱ្យលេងទីមោងនោះទេ គ្រាន់តែស្នើសុំ ឱ្យរៀបចំ ដោយមានសណ្តាប់ធ្នាប់ល្អ រក្សាបាន គុណតម្លៃសិល្បៈវប្បធម៌ខ្មែរ ។

ការលើកឡើងរបស់ឯកឧត្តម បានធ្វើឡើងក្រោយពីមានការផ្សព្វផ្សាយនាពេលថ្មីៗនេះ អំពីការរបិទទីងមោងមិនឱ្យលេងតទៅទៀត។ តាមសំណេររបស់អភិបាលខេត្ត ឯកឧត្តម នឹងជួបជាមួយបងប្អូនអ្នកលេងទីមោងនាពេលខាងមុខនេះ។