បាត់ ឬខូចបណ្ណ ប.ស.ស. តើគួរធ្វើបែបណា? ចំណាយអស់ប៉ុន្មានទើបបានបណ្ណថ្មី?

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី១៧ ខែកក្កដា នេះ បានប្រាប់ពីវិធី ប្រសិនបើបងប្អូន បាត់ ឬខូចបណ្ណ បេឡាជាតិសន្តិសុខសង្គម (ប.ស.ស.) តើគួរធ្វើបែបណា? ចំណាយអស់ប៉ុន្មានទើបបានបណ្ណថ្មី?

នៅពេលសមាជិក ប.ស.ស. បាត់ ឬខូចបណ្ណ ប.ស.ស. សូមលោកអ្នកជូនដំណឹងមកកាន់សាខា ប.ស.ស. ដែលនៅជិតបំផុតដើម្បីស្នើសុំបោះពុម្ពបណ្ណថ្មីប្រើប្រាស់ឡើងវិញ។ សម្រាប់ការស្នើសុំបោះពុម្ពបណ្ណថ្មី តម្រូវឱ្យភ្ជាប់ឯកសាររួមមាន៖ អត្តសញ្ញាណបណ្ណសញ្ជាតិខ្មែរច្បាប់ដើម។ ហើយសម្រាប់ជនជាតិបរទេសគឺត្រូវការលិខិតឆ្លងដែន ដើម្បីស្នើសុំបោះពុម្ពបណ្ណថ្មី។ ចំណែក ការស្នើសុំបោះពុម្ពបណ្ណ ឬទុតិយតាឡើងវិញត្រូវចំណាយប្រាក់ ៥០០០រៀល។

សម្រាប់ការផ្តល់ព័ត៌មានបន្ថែម សូមទំនាក់ទំនងមកលេខ ១២៨៦ | ១២៩៧ ដើម្បីទទួលបានព័ត៌មានលម្អិត៕