ឯកឧត្ដម ហួត ហាក់ បញ្ជាក់ថាមានក្រុមជនខិលខូចបានយកឈ្មោះឯកឧត្តម ទៅបង្កើតគណនីតេឡេក្រាម ក្លែងក្លាយ

រាជធានីភ្នំពេញ៖ យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ឯកឧត្ដម ហួត ហាក់ រដ្ឋមន្ត្រីក្រសួងអធិការកិច្ច នាថ្ងៃទី២៨ ខែសីហានេះ បានបញ្ជាក់ថាមានក្រុមជនខិលខូច បានយកឈ្មោះឯកឧត្តម ទៅបង្កើតគណនីតេឡេក្រាម ក្លែងក្លាយ ។ ទាក់ទិននឹងការលើកឡើងខាងលើ ឯកឧត្តមរដ្ឋមន្ត្រី បានណែនាំដល់ប្រជាពលរដ្ឋប្រុងប្រយ័ត្ន និងប្រកាសបដិសេធ មិនទទួលខុសត្រូវចំពោះករណីគណនីនេះ។

តាមរយៈបណ្តាញទំនាក់ទំនងសង្គម ឯកឧត្ដម ហួត ហាក់ មានខ្លឹមសារទាំងស្រុងថា៖ «សេចក្តីជូនដំណឹងស្ដីពីការប្រុងប្រយ័ត្នចំពោះករណីមានជនខិលខូចបានក្លែងបន្លំបង្កើតគណនីតេឡេក្រាមដោយប្រើឈ្មោះ និងរូបថត ឯកឧត្ដម ហួត ហាក់ រដ្ឋមន្ត្រីក្រសួងអធិការកិច្ច ដើម្បីចៀសវាងពីការបោកប្រាស់ និងខាតបង់ផលប្រយោជន៍ សូមសាធារណជបមេត្តាប្រុងប្រយ័ត្នខ្ពស់ចំពោះព័ត៌មានផ្សេងៗ និងសូមមេត្តាជឿជាក់តែលើព័ត៌មានដែលបានផ្សព្វផ្សាយចេញពីប្រភពច្បាស់លាស់និងសូមតាមដានព័ត៌មានអំពីក្រសួងអធិការកិច្ចតាមរយៈបណ្តាញទំនាក់ទំនងសង្គមផ្លូវការខាងលើ»។

ជាមួយគ្នានេះ ក្រសួងអធិការកិច្ចសូមជម្រាបជូនសាធារណជនទាំងអស់មេត្តាជ្រាបថា បណ្តាញទំនាក់ទំនងសង្គមផ្លូវការរបស់ ក្រសួងអធិការកិច្ច និងឯកឧត្តម ហួត ហាក់ រដ្ឋមន្ត្រីក្រសួងអធិការកិច្ច មានដូចខាងក្រោម៖

– ក្រសួងអធិការកិច្ច

Telegram Channel : ក្រសួងអធិការកិច្ច – Ministry of Inspection (https://t.me/MOInspection) Facebook Page : ក្រសួងអធិការកិច្ច Ministry of Inspection (https://www.facebook.com/inspection.gov.kh)

Website : ក្រសួងអធិការកិច្ច Ministry of Inspection (https://inspection.gov.kh)

– ឯកឧត្តមរដ្ឋមន្តី

Telegram Channel: Huot Hak – https://t.me/huothak11

Facebook Account Huot Hak https://www.facebook.com/share/c5oXYps7357ND2eH

Facebook Page : Huot Hak ហួត ហាក់ https://www.facebook.com/Huothakfficial

Instagram Account : Huot Hak ហួត ហាក់ https://www.instagram.com/huothak19

Tik Tok Account : Huot Hak-ហួត ហាក់ https://www.tiktok.com/chuothak19

ប្រភព៖ ក្រសួងព័ត៌មាន