● ក្រុមអ្នកជិះម៉ូតូ Royal Enfield ជាង 41,730 នាក់ បានបង្កើតកម្មវិធីដើម្បីប្រារព្ធក្ដីស្រលាញ់របស់ពួកគេក្នុងការជិះម៉ូតូ ដោយធ្វើដំណើរជុំវិញពិភពលោក និងអ្នកបើកបរជាង 6200 នាក់នៅក្នុងតំបន់អាស៊ីប៉ាស៊ីហ្វិក
● កម្មវិធី “One Ride 2024” លើកទី១៣ នេះ គឺផ្ដោតលើភាពក្លាហាន ទទួលបានការសរសើរ និងការផ្ដោតសំខាន់តែមួយទៅលើការបង្ហាញអ្វីដែលជាខ្លួនឯង

ថ្ងៃទី 22 ខែកញ្ញា ឆ្នាំ 2024៖ កាលពីថ្ងៃអាទិត្យ ទី 22 ខែកញ្ញា ថ្មីៗនេះ ប្រទេសជាច្រើននៅជុំវិញពិភពលោក បានបន្លឺសំឡេងម៉ូតូរបស់យីហោ Royal Enfield ប្រារព្ធកម្មវិធី “One Ride” ដើម្បីដឹកនាំសហគមន៍សកល រួមគ្នាជាថ្មីម្ដងទៀត អបអរសាទរស្មារតីនៃការជិះម៉ូតូសុទ្ធសាធ “Pure Motorcycling”។ “One Ride” ត្រូវបានបង្កើតឡើងក្នុងឆ្នាំ២០១១ ក្នុងគោលបំណងដើម្បីអបអរសម្រាប់អ្នកដែលស្រលាញ់ ចូលចិត្ត ការជិះម៉ូតូ ពិសេសនោះគឺការជិះម៉ូតូម៉ាក Royal Enfield ។ កម្មវិធីនេះ ត្រូវបានប្រារព្ធជាសកលនៅទូទាំង 43 ប្រទេស ហើយនៅក្នុងតំបន់អាស៊ីប៉ាស៊ីហ្វិក កម្មវិធី “One Ride 2024” លើកទី១៣ នេះ ឃើញថា អ្នកបើកបរជាង 6200 នាក់មកពីទូទាំង 12 ប្រទេស ដែលសុទ្ធសឹងតែជាអ្នកស្រលាញ់ និងចូលចិត្តជិះម៉ូតូរបស់ Royal Enfield បានចូលរួមជិះរួមគ្នាប្រកបដោយភាពស្និទ្ធស្នាល និងសប្បាយរីករាយបំផុត។

“One Ride” គឺជាការជិះម៉ូតូនាំមុខដ៏ធំបំផុតរបស់ប្រទេសឥណ្ឌា ដែលមានការចូលរួមយ៉ាងពិសេស និងមានតែមួយគត់ ពីអ្នកចូលចិត្ត និងស្រលាញ់ការជិះម៉ូតូគ្រប់វ័យ មកពីតំបន់ចម្រុះ និងមជ្ឈដ្ឋានសង្គមជាច្រើន។ កម្មវិធីនេះ បានលើកទឹកចិត្តអ្នកជិះម៉ូតូឱ្យយកចិត្តទុកដាក់កាន់តែខ្លាំងលើការពាក់មួកសុវត្ថិភាព និងបង្ហាញពីបុគ្គលិកលក្ខណៈពិសេសៗរបស់ពួកគេ។ សំរាប់ប្រធានបទឆ្នាំនេះ គឺផ្ដោតទៅលើ “Be Bold, Be Seen, Be One” ដែលនឹងជំរុញឱ្យអ្នកជិះម៉ូតូ បើកបរដោយភាពក្លាហានអង់អាចប្រកបដោយសុវត្ថិភាព ហើយបង្ហាញឱ្យគេឃើញពីការបើកបរដែលយកចិត្តទុកដាក់ទៅលើសុវត្ថិភាព និងបង្ហាញអ្វីដែលជាខ្លួនឯង។

លើសពីនេះទៅទៀត “One Ride” ផ្ដល់ឱ្យសហគមន៍អ្នកជិះម៉ូតូរបស់ Royal Enfield ទូទាំងពិភពលោក បានជួបជុំគ្នា និងបើកបររួមគ្នា នៅក្នុងថ្ងៃតែមួយ ដើម្បីបង្ហាញពីភាពស្និទស្នាល និងទំហំនៃការស្រលាញ់ចូលចិត្តការជិះម៉ូតូសុទ្ធសាធដែលមានដូចគ្នា ហើយការជិះម៉ូតូនេះ នឹងលើកទឹកចិត្តអ្នកបើកបរឱ្យក្លាយជាភ្នាក់ងារផ្លាស់ប្តូរគំនិតយោបល់គ្នាទៅវិញទៅមក។

គួរឱ្យដឹងថា ក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុន Royal Enfield បានខិតខំប្រឹងប្រែងយ៉ាងខ្លាំងក្នុងការលើកទឹកចិត្តអ្នកបើកបរឱ្យធ្វើដំណើរប្រកបដោយការទទួលខុសត្រូវ ជាពិសេសជាមួយនឹងការជិះម៉ូតូទៅកាន់តំបន់ Ladakh ដែលជះឥទ្ធិពលជាវិជ្ជមានដល់ជីវភាពរស់នៅរបស់សហគមន៍មូលដ្ឋាន។ នេះគឺជាផ្នែកមួយនៃកម្មវិធីធំជាងគេរបស់ Royal Enfield លើការលើកកម្ពស់ការធ្វើដំណើរប្រកបដោយទំនួលខុសត្រូវ និងធ្វើការជាមួយសហគមន៍មូលដ្ឋាននៅតាមគោលដៅនានាដែលអ្នកបើកបរបានទៅជាញឹកញាប់។ បេសកកម្ម “One Ride” ឆ្នាំនេះ បានបង្ហាញនូវកំណត់ត្រាថ្មី ដែលមានអ្នកចូលរួមជិះម៉ូតូដល់ទៅ ជាង 41,730 នាក់ មកពី ទូទាំង 66 ប្រទេស ជុំវិញ ពិភពលោក។ Royal Enfield បានរៀបចំកម្មវិធី “One Ride” ជាមួយនឹងស្មារតីដូចគ្នានៅទូទាំងប្រទេសអាហ្សង់ទីន កូឡុំប៊ី អេស្ប៉ាញ ម៉ិកស៊ិក ប៉េរូ ឈីលី អេក្វាឌ័រ បារាំង អ៊ុយរូហ្គាយ កូស្តារីកា ឥណ្ឌូនេស៊ី ចក្រភពអង់គ្លេស អូស្ត្រាលី កូរ៉េ ជប៉ុន សិង្ហបុរី អេស្ប៉ាញ កម្ពុជា ថៃ ប្រេស៊ីល ឌូបៃ បារាំង ហ្វីលីពីន អ៊ីតាលី និងអាឡឺម៉ង់ ក្នុងចំណោមប្រទេសដទៃទៀត។

អំពី Royal Enfield៖

យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ១៩០១។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ ១៩៥៥ ដែលជាកន្លែងឈរជើងដែលរ៉ូយ៉ាល់ Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។

ម៉ូឌែលប្រណិតៗរបស់ Royal Enfield ដែលបានចេញលក់រួមមាន Hunter 350, Classic 350, Meteor 350 cruiser, Shotgun 650 , New Super Meteor 650, Interceptor 650 និង Continental GT 650, ម៉ូតូផ្សងព្រេង – Himalayan adventure tourer ,452 ADV Crossover, និង iconic Bullet 350។ អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។

ផ្នែកមួយនៃ Eicher Motors Limited, Royal Enfield ដំណើរការតាមរយៈហាងជាង 2000 នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត 850 នៅក្នុងប្រទេសជាង 60 ជុំវិញពិភពលោក។ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានអង្គភាពដំឡើង CKD ទំនើបចំនួនប្រាំនៅក្នុងប្រទេសនេប៉ាល់ ប្រេស៊ីល ថៃ អាហ្សង់ទីន និងកូឡុំប៊ី។ Royal Enfield គឺជាម៉ាកយីហោយានយន្តឥណ្ឌាដំបូងគេ ដែលផ្តល់ជូននូវការធានាជាសាកល គាំទ្រដោយបណ្តាញជាង ៣០០០ ជាមួយនឹងដៃគូផ្ដល់សេវាកម្មដែលទទួលបានសិទ្ធិពី Royal Enfield នៅក្នុងប្រទេសជាង 70៕