(ភ្នំពេញ)៖ នៅព្រឹកថ្ងៃទី១៩ ខែវិច្ឆិកា ឆ្នាំ២០២៤ នេ ទូរទស្សន៍ ហង្សមាស HDTV និងភេសជ្ជៈ ប៊ូសស្រ្តង បានធ្វើសន្នីសិទសារព័ត៌មាន ស្តីពី មហាព្រឹត្តិការណ៍ប្រដាល់គុនខ្មែរដណ្ដើមឡាន BOOSRONG KING OF FIGHTERS KUN KHMER ក្រោមវត្តមានពីសំណាក់ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ, លោក មាស រីទ្ធី អគ្គនាយករង នៃទូរទស្សន៍ហង្សមាស រស្មីហង្សមាស HDTV , លោក គ្រីស តូបភើ តំណាងក្រុមហ៊ុនប៊ូសស្ត្រង , លោក អ៊ា វណ្ណា ប្រធានដឹកនាំផលិតកម្មវិធី នៃទូរទស្សន៍ហង្សមាស រស្មីហង្សមាស HDTV។

ក្នុងសន្នីសិទសារព័ត៌មាន ស្តីពី មហាព្រឹត្តិការណ៍ប្រដាល់គុនខ្មែរដណ្ដើមឡាន BOOSRONG KING OF FIGHTERS KUN KHMER គេឃើញមានបេក្ខភាពដណ្តើមឡានចំនួន៨រូបត្រូវចាប់ឆ្នោតប្រកួត មាន រិន ដេវីដ ប៉ះដៃគូចាស់ ស៊ន រ៉ាគឹម, សេក គឹមសាន្ត ត្រូវប្រកួតជាមួយ ទូច ដេវីដ , ពុធ សំបូ ត្រូវប្រកួតជាមួយ ប៉ែនកាក រាជសីហ៍ និងធន់ ម៉េងហុង ត្រូវប្រកួតជាមួយ រិទ្ធី សូសែង។

មហាព្រឹត្តិការណ៍ប្រដាល់គុនខ្មែរដណ្ដើមឡាន BOOSRONG KING OF FIGHTERS KUN KHMER នឹងប្រកួតមាន៥ រាជធានី-ខេត្ត មាននៅថ្ងៃទី២២-២៣ វិច្ឆិកា បរិវេណជិតរង្វង់មូលសាលាខេត្តត្បូងឃ្មុំ, ថ្ងៃទី០៦-០៧ ខែធ្នូបរិវេណរង្វង់មូល វិមានឯករាជ្យ ទីរួមខេត្តស្វាយរៀង, ថ្ងៃទី២០-២១ ខែធ្នូ បរិវេណសួនមាត់ស្ទឹងព្រះអង្គចេក ព្រះអង្គចម ក្រុងសៀមរាប, ថ្ងៃទី០៣-០៤ ខែមករា ឆ្នាំ២០២៥ ក្នុងតារាងបាល់ទាត់វាលបែកចាន ក្រុងបាត់ដំបង ខេត្តបាត់ដំបង និងថ្ងៃប្រកួតផ្តាច់ព្រ័ត្រ នៅថ្ងៃទី១៧-១៨ ខែមករា ឆ្នាំ២០២៥ បរិវេណដីឡូតិ៍ជាប់ផ្លូវជាតិលេខ៤ ភូមិស្ងួនពេជ្រ ខណ្ឌកំបូល រាជធានីភ្នំពេញ។ ដោយមានការប្រគំតន្ត្រីគុនខ្មែរ និងកម្មវិធីប្រដាល់គុនខ្មែរដណ្ដើមឡានថ្មីខ្លាញ់គោ រយៈពេល២ថ្ងៃជាប់គ្នា ចាប់ពីម៉ោង៦ល្ងាចតទៅ។

ក្នុងការនាំយកមហាព្រឹត្តិការណ៏ដែលមហាជនទន្ទឹងរង់ចាំនេះ សបញ្ជាក់ឱ្យឃើញពីការលើកស្ទួយវិស័យគុនខ្មែរដែលជួយផ្សព្វផ្សាយក្បាច់គុនខ្មែរ ជាពិសេសទៀតបានលើកស្ទួយជួយដល់ជីវភាពដល់កីឡាករគុនខ្មែរយើងថែមទៀតផង។

ណាត់គ្នាមកទស្សនាផ្ទាល់កុំឱ្យខកខាន សូមរំលឹកថាការប្រកួតមានការផ្សាយផ្ទាល់លើ ទូរទស្សន៍រស្មីហង្សមាស HDTV និងផេកហ្វេសប៊ុកផ្លូវការប៊ូសស្ត្រង ផ្សាយផ្ទាល់ពិសេសទាំង២ថ្ងៃចាប់ពីម៉ោង០៨យប់រហូតដល់ចប់កម្មវិធី។

សូមបញ្ជាក់ថា ប៊ូសស្រ្តងឱ្យឡានគុនខ្មែរ ៦គ្រឿងហើយ ដោយប្រដាល់គុនខ្មែរដណ្ដើមឡាន BOOSRONG KING OF FIGHTERS KUN KHMER ដែលធ្វើនៅប៉ុន្មានថ្ងៃខាងមុខនេះ ជាការដណ្ដើមឡានទី៧ បងប្អូនទិញប៊ូសស្រ្តង ជាចំណែកដ៏សំខាន់ជួយឱ្យមានកម្មវិធីប្រកួតដណ្ដើមឡានជាប្រវត្តិសាស្រ្តគុនខ្មែរនេះកើតឡើង៕