និយ័តករអាជីវកម្មអចលនវត្ថុ បង្ហាញគម្រោងអភិវឌ្ឍដី​ឡូត៍​​៣កន្លែង ដែលគ្មានអាជ្ញាបណ្ណ

ភ្នំពេញ៖ និយ័តករអាជីវកម្មអចលនវត្ថុ និងបញ្ចាំ (ន.អ.ប) នៅថ្ងៃទី២៧ ខែវិច្ឆិកា ឆ្នាំ២០២៤នេះ បានបង្ហាញឈ្មោះក្រុមហ៊ុន/គម្រោងអភិវឌ្ឍន៍ដីឡូត៍ចំនួន ៣ ដែលគ្មានអាជ្ញាបណ្ណ និងណែនាំឲ្យសាធារណជនប្រុងប្រយ័ត្នខ្ពស់បំផុតចំពោះគម្រោងទាំងនេះ។ បើ​តាមសេចក្តីជូន​ដំ​ណឹង​របស់ ន.អ.ប ក្រុមហ៊ុន/គម្រោងអភិវឌ្ឍទាំងនោះ មាន​​ស្ថិតនៅខេត្តកំពង់ស្ពឺ ខេត្តបាត់ដំបង និងខេត្តសៀមរាប។