អាកាសចរណ៍អន្តរជាតិធំៗពីរនឹងបង្កើនជើងហោះហើរបន្ថែមមកកាន់ខេត្តសៀមរាប និង ទីក្រុងភ្នំពេញ

(រាជធានីក្រុងភ្នំពេញ)៖ តាមរយៈការចុះផ្សាយរបស់ ក្រសួងទេសចរណ៍ នៅរសៀលថ្ងៃទី ៤ ខែមីនា ឆ្នាំ ២០២៥ នេះ បានឱ្យដឹងថា អាកាសចរណ៍អន្តរជាតិធំៗចំនួនពីរ នឹងបង្កើនជើងហោះហើរបន្ថែមមកកាន់ខេត្តសៀមរាប និង ទីក្រុងភ្នំពេញ ដែលចាប់ផ្តើម នៅខែមិថុនា ឆ្នាំ ២០២៥ ខាងមុខ។

ក្នុងនោះ មានអាកាសចរណ៍ Emirates Airlines នឹងហោះពីទីក្រុង ឌូបៃ មកកាន់ខេត្តសៀមរាប ដែលចាប់ផ្តើម នៅខែមិថុនា ឆ្នាំ ២០២៥ ខាងមុខ ដោយប្រើយន្តហោះខ្នាតធំ Boeing 777 300er។ អាកាសចរណ៍ Turkey Airlines នឹងហោះពីទីក្រុង អ៊ីស្តង់ប៊ុល ប្រទេសតួគី មកកាន់ ទីក្រុងភ្នំពេញ ដែលចាប់ផ្តើមនៅខែធ្នូ ឆ្នាំ២០២៥ ខាងមុខ ដោយប្រើយន្តហោះខ្នាតធំ Airbus A330 ឬ Boeing 777៕

ប្រភព៖ ក្រសួងទេសចរណ៍