អាជ្ញាធរជាតិអប្សរា នឹងបិទចរាចរណ៍បណ្តោះអាសន្នលើកំណាត់ផ្លូវប្រាសាទព្រះខ័ន ចាប់ពីចំណុចត្រួតពិនិត្យសំបុត្រភ្ញៀវទេសចរ រហូតដល់ជ្រុងកែងខាងជើងឈៀងខាងលិចនៃប្រាសាទព្រះខ័ន

(ខេត្តសៀមរាប)៖ នៅរសៀលថ្ងៃទី ៦ ខែមីនា ឆ្នាំ ២០២៥ នេះ បានឱ្យដឹងថា អាជ្ញាធរជាតិអប្សរា នឹងបិទចរាចរណ៍បណ្តោះអាសន្នលើកំណាត់ផ្លូវប្រាសាទព្រះខ័ន ចាប់ពីចំណុចត្រួតពិនិត្យសំបុត្រភ្ញៀវទេសចរ រហូតដល់ជ្រុងកែងខាងជើងឈៀងខាងលិចនៃប្រាសាទព្រះខ័ន។

នៅក្នុងសេចក្ដីជូនដំណឹងរបស់ អាជ្ញាធរជាតិអប្សរា បានឱ្យដឹងថា អាជ្ញាធរជាតិអប្សរា នឹងបិទចរាចរណ៍បណ្តោះអាសន្នលើកំណាត់ផ្លូវប្រាសាទព្រះខ័ន ចាប់ពីចំណុចត្រួតពិនិត្យសំបុត្រភ្ញៀវទេសចរ រហូតដល់ជ្រុងកែងខាងជើងឈៀងខាងលិចនៃប្រាសាទព្រះខ័ន ដើម្បីអនុញ្ញាតជូនក្រុមការងារបច្ចេកទេស កែលម្អកំណាត់ផ្លូវនេះ ចាប់ពីថ្ងៃទី ១០ ខែមីនា ឆ្នាំ ២០២៥ រហូតដល់ចប់ការងារជាស្ថាពរ។ ក្នុងអំឡុងពេលនៃ ការបិទចរាចរណ៍នេះ ភ្ញៀវទេសចរជាតិ-អន្តរជាតិ និងសាធារណជនទាំងអស់អាចប្រើប្រាស់ផ្លូវបន្តត្រង់ពី ខ្លោងទ្វារដីឆ្នាំង ឆ្ពោះទៅផ្លូវវង់ធំ ដូចមានគំនូសបង្ហាញផ្លូវជូនភ្ជាប់មកជាមួយ៕

ប្រភព៖ អាជ្ញាធរជាតិអប្សរា