រដ្ឋបាលរាជធានីភ្នំពេញ បើកកិច្ចប្រជុំត្រៀមរៀបចំ «សង្ក្រាន្ត វត្តភ្នំ» ដើម្បីអបអរសាទរពិធីបុណ្យចូលឆ្នាំខ្មែរនាពេលខាងមុខនេះ

(រាជធានីភ្នំពេញ)៖ យោងតាមការបង្ហោះក្នុងគណនីរបស់ ឯកឧត្តម កើត ឆែ អភិបាលរង នៃគណៈអភិបាលរាជធានីភ្នំពេញ កាលពីថ្ងៃទី ២០ ខែមីនា ឆ្នាំ ២០២៥ បានឱ្យដឹងថា នៅរសៀលថ្ងៃទី ២០ ខែមីនា ឆ្នាំ ២០២៥ រដ្ឋបាលរាជធានីភ្នំពេញ បានបើកកិច្ចប្រជុំ ស្តីពីការរៀបចំ «សង្ក្រាន្ត វត្តភ្នំ» រមណីយដ្ឋានវត្តភ្នំ ដើម្បីអបអរសាទរពិធីបុណ្យចូលឆ្នាំខ្មែរនាពេលខាងមុខនេះ។

នៅក្នុងការបង្ហោះរបស់ ឯកឧត្តម កើត ឆែ អភិបាលរងរាជធានីភ្នំពេញ បានបញ្ជាក់ថា៖ «នារសៀលថ្ងៃទី ២០ ខែមីនា ឆ្នាំ ២០២៥ តាមការប្រគល់ភារកិច្ចរបស់ ឯកឧត្តម ឃួង ស្រេង អភិបាល នៃគណ:អភិបាលរាជធានីភ្នំពេញ ខ្ញុំបានដឹកនាំកិច្ចប្រជុំជាមួយឯកឧត្តម លោកជំទាវ អភិបាលរងរាជធានីភ្នំពេញ ស្តីពី ការរៀបចំសង្ក្រាន្តវត្តភ្នំ នៅរមណីយដ្ឋានវប្បធម៍ប្រវត្តិសាស្រ្តវត្តភ្នំ ដើម្បីអបអរសាទរពិធីបុណ្យចូលឆ្នាំថ្មី ប្រពៃណីជាតិ ឆ្នាំ២០២៥» ៕

ប្រភព៖ Koeut Chhe – កើត ឆែ អភិបាលរងរាជធានីភ្នំពេញ