បុរសម្នាក់ស្លៀកពាក់ស៊ីវិល តែមានវិទ្យុទាក់ទងច្រើនសៀតចង្កេះ ត្រូវអធិការដ្ឋាននគរបាលក្រុងតាខ្មៅ ប្រកាសរកមុខ

(រាជធានីភ្នំពេញ)៖ នៅថ្ងៃទី ៣០ ខែមេសា ឆ្នាំ ២០២៥ នេះ អធិការដ្ឋាននគរបាលក្រុងតាខ្មៅ បានបង្ហោះប្រកាសរកបុរសម្នាក់ ដែលស្លៀកពាក់ស៊ីវិលហើយមានវិទ្យុទាក់ទងច្រើន កំពុងស្វែងរក និងចង់ហៅបុរសរូបនេះ មកកាន់អធិការដ្ឋាននគរបាលក្រុងតាខ្មៅផងដែរ។

តាមរយៈ អធិការដ្ឋាននគរបាលក្រុងតាខ្មៅ បានបង្ហោះថា៖ «បើបងប្អូន បានប្រទះឃើញពូម្នាក់នេះ ជួយផ្ដល់ព័ត៌មាន ជូនសមត្ថកិច្ចក្រុងតាខ្មៅផង ចង់អញ្ជើញគាត់មកហូបតែ ហើយពិភាក្សាការងារមួយចំនួនដោយសារ ឃើញគាត់ស្លៀកពាក់ស៊ីវិលអញ្ចឹង ហើយមានវិទ្យុទាក់ទងច្រើនទៀត»៕

ប្រភព៖ អធិការដ្ឋាននគរបាលក្រុងតាខ្មៅ