ចូលរួមគាំទ្រ និងលើកកម្ពស់ផលិតផលក្នុងស្រុក លោកឧកញ៉ា ស្រី ចាន់ថន សម្រេចិត្តបង្កើតផ្សារផលិតផលខ្មែរ នៅតំបន់អភិវឌ្ឍពិសេស 9NG

ថ្ងៃ ១៣ ខែមិថុនា ឆ្នាំំ ២០២៥ នេះ គណនីហ្វេសប៊ុកលោកឧកញ៉ា ស្រី ចាន់ថន បានធ្វើការបង្ហោះសំណេរខ្លីមួយ អំពីការចូលរួមគាំទ្រ និងលើកកម្ពស់ផលិតផលក្នុងស្រុកនោះ រូបលោកបានសម្រេចិត្តបង្កើតផ្សារផលិតផលខ្មែរ នៅ 9NG។

ក្នុងនោះ លោកឧកញ៉ា ស្រី ចាន់ថន បានសរសេរថា “យើងនាំគ្នាចូលរួមគាំទ្រផលិតផលក្នុងស្រុក បងប្អូនដែលមានផលិតផលក្នុងស្រុកអាចទំនាក់ទំនងលេខខាងក្រោម ដើម្បីចូលរួមលើកកម្ពស់ផលិតផលក្នុងស្រុកជាមួយរាជរដ្ឋាភិបាលកម្ពុជា ខ្ញុំបាទបានសម្រេចចិត្តបង្កើតផ្សារមួយគឺផ្សារ 《ផលិតផលខ្មែរ》 ដែលអាចដាក់លក់ផលិតផលវិចខ្ចប់ក្នុងស្រុកជាច្រើនមុខចំនួន ៣០០ ទៅ ៥០០ មុខ ។ ក្នុងតម្លៃសមរម្យដើម្បីអោយបងប្អូនអាជីវករលក់ដូរមកទិញក្នុងតំម្លៃសមរម្យ ងាយស្រួលបងប្អូនយកទៅលក់ និងចែកចាយបន្តទទួលបានក្នុងតម្លៃសមរម្យ។

បន្ថែមពីនេះ លោកឧកញ៉ាបានបន្តថា ដោយគម្រោងផ្សារ《ផលិតផលខ្មែរ》នេះស្ថិតនៅតំបន់អភិវឌ្ឍពិសេស9NG។
ប្រសិនបើពុកម៉ែអាជីវករមានផលិតផលរបស់ខ្មែរមានចំណាប់អារម្មណ៍សូមទំនាក់ទំនងតាមរយៈលេខ.+855 12 714 289….។

ប្រភព៖ ស្រី ចាន់ថន