មិនធម្មតា! ROYAL ENFIELD បន្តបំបែកកំណត់ត្រាការលក់ប្រចាំឆ្នាំ លើសពី 1.2 លានគ្រឿង

● នៅក្នុងទីផ្សារឥណ្ឌា ការលក់បានឈានដល់ 11,07,343 គ្រឿង ខណៈពេលដែលការនាំចេញបានកើនឡើងដល់ 1,31,316 គ្រឿង ដែលបង្ហាញពីការកើនឡើងនៅទូទាំង 80 ប្រទេសជាង
● តំបន់អាស៊ីប៉ាស៊ីហ្វិកបានបង្ហាញពីកំណើនប្រចាំឆ្នាំ 8% សម្រាប់ឆ្នាំដែលបញ្ចប់នៅថ្ងៃទី 31 ខែមីនា ឆ្នាំ 2026
● Royal Enfield Himalayan នៅតែពេញនិយមជាម៉ូតូទេសចរណ៍ផ្សងព្រេងដ៏រឹងមាំបំផុតដោយកំណើនការលក់ប្រចាំឆ្នាំមានជាង 53% (មិនរាប់បញ្ចូលប្រទេសឥណ្ឌា)

ថ្ងៃទី 20 ខែមេសា ឆ្នាំ 2026៖ Royal Enfield ដែលជាក្រុមហ៊ុនឈានមុខគេលើពិភពលោកក្នុងផ្នែកម៉ូតូធុនមធ្យម បានកត់ត្រាការលក់ប្រចាំឆ្នាំដ៏ខ្ពស់បំផុតមិនធ្លាប់មាន ពោលគឺការលក់បានកើនឡើងលើសពី 1.2 លានគ្រឿងនៅក្នុងឆ្នាំហិរញ្ញវត្ថុដែលបញ្ចប់នៅថ្ងៃទី 31 ខែមីនា ឆ្នាំ 2026 ហើយនេះមិនមែនលើកទី១ទេ គឺជាឆ្នាំទី២ ហើយ ដែលការលក់ប្រចាំឆ្នាំក្រុមហ៊ុនកំពូលមួយនេះ លើសពី 1 លានគ្រឿង។ ជាក់ស្ដែងនៅតំបន់អាស៊ីប៉ាស៊ីហ្វិកបានបង្ហាញពី កំណើនប្រចាំឆ្នាំ 8% ក្នុងរយៈពេលដូចគ្នា បានកត់ត្រាជាឆ្នាំមួយក្នុងចំណោមឆ្នាំល្អបំផុតទាក់ទងនឹងការលក់។

ជាមួយគ្នានេះដែរ កំណើននៅក្នុងទីផ្សារអន្តរជាតិបានកើនឡើង 23% គឺការលក់បានរហូតដល់ 1,31,316 គ្រឿង នៅក្នុងឆ្នាំហិរញ្ញវត្ថុដែលបញ្ចប់នៅថ្ងៃទី 31 ខែមីនា ឆ្នាំ 2026។ ការបំបែកកំណត់ត្រាការលក់នេះដ៏ច្រើននេះ ដោយសារតម្រូវការប្រកបដោយចីរភាពនៅទូទាំងទីផ្សារឥណ្ឌា និងអន្តរជាតិ ដោយមានការគាំទ្រពីផលប័ត្រម៉ូតូដ៏រឹងមាំ និងចម្រុះ និងប្រព័ន្ធអេកូឡូស៊ីដែលកំពុងរីកចម្រើននៃអាជីវកម្មសម្ព័ន្ធមិត្តដែលពង្រឹងការចូលរួមរបស់អតិថិជនជារួម។

ថ្លែងអំពីលទ្ធផលសម្រាប់ឆ្នាំនេះ លោក Manoj Gajarlawar ប្រធានផ្នែកពាណិជ្ជកម្មសម្រាប់ទីផ្សារអាស៊ីប៉ាស៊ីហ្វិក – Royal Enfield បានមានប្រសាសន៍ថា៖ “ជារៀងរាល់ឆ្នាំនៅ Royal Enfield យើងព្យាយាមលើកកម្ពស់ស្តង់ដារខ្ពស់ជាងមុនបន្តិចម្ដងៗ ហើយលើកនេះក៏មិនខុសគ្នាដែរ។ យើងសម្រេចបានពីរឆ្នាំជាប់ៗគ្នានៃការលក់ម៉ូតូជាងមួយលានគ្រឿង ដោយមានចំនួនលើសពី 1.2 លានគ្រឿង ដែលនេះជាលទ្ធផលប្រចាំឆ្នាំខ្ពស់បំផុតរបស់យើងនៅក្នុងប្រទេសឥណ្ឌា។ នៅក្នុងតំបន់អាស៊ីប៉ាស៊ីហ្វិក យើងសម្រេចបានសន្ទុះកំណើនជាប់លាប់ 8% ខណៈពេលដែលយើងនឹងប្រារព្ធខួប 125 ឆ្នាំនៃ Pure Motorcycling ឱ្យកាន់តែមានអត្ថន័យថែមទៀត។ ទន្ទឹមនឹងនេះនៅក្នុងតំបន់អាស៊ីប៉ាស៊ីហ្វិក យើងបន្តផ្តោតលើការពង្រឹងវត្តមានរបស់យើងនៅក្នុងទីផ្សារជាង 14 ដែលយើងមានវត្តមាន។ អ្វីដែលសំខាន់ដូចគ្នានោះ គឺកម្លាំងនៃសហគមន៍ជិះរបស់យើង ដែលបន្តរីកចម្រើនជាមួយនឹងការចូលរួមរបស់អ្នកជិះ និងបទពិសោធន៍ផ្សេងៗគ្នានៅទូទាំងតំបន់។ នៅពេលដែលយើងឈានចូលដល់ឆ្នាំហិរញ្ញវត្ថុថ្មី និងបន្តដំណើរលើកទី 125 របស់យើង យើងនឹងបន្តផ្តល់ជូននូវម៉ូតូលំដាប់ពិភពលោក និងកសាងសហគមន៍របស់យើងឱ្យកាន់តែរឹងមាំជាងពេលបច្ចប្បន្ននេះ”។

ចំណុចសំខាន់ៗពីឆ្នាំ២០២៥-២០២៦

Royal Enfield ប្រារព្ធខួបលើកទី ១២៥ នៃការជិះម៉ូតូបែប Pure Motorcycling
Royal Enfield បានកត់ត្រា ព្រឹត្តិការណ៍ដ៏សំខាន់មួយទៀតនៅក្នុងដំណើរដ៏ល្បីល្បាញរបស់ខ្លួន ស្របពេលដែលក្រុមហ៊ុនមួយនេះ បានប្រារព្ធខួបលើកទី ១២៥ នៃការជិះម៉ូតូសុទ្ធសាធ (Pure Motorcycling) នៅឯ EICMA 2025។ នៅក្នុងឱកាសដ៏អស្ចារ្យនោះ Royal Enfield បានបើកបង្ហាញផលិតផលថ្មីដ៏ទាក់ទាញ ដោយមានបញ្ចូលនូវការរចនាច្នៃប្រឌិត លាយឡំនិងប្រពៃណី រួមមាន Classic 650 125th Anniversary Special Edition,Himalayan Mana Black Edition ដែលផលិតឡើងសម្រាប់គោលបំណងពិសេស និង Bullet 650 ដែលនាំមកនូវជីវិតថ្មីដល់រូបតំណាងដែលបានកំណត់ជំនាន់ជាច្រើន។

ក្រុមហ៊ុន Royal Enfield បានប្រកាសចូលទីផ្សារថ្មីចំនួន ២ នៅក្នុងតំបន់អាស៊ីប៉ាស៊ីហ្វិក គឺហុងកុង និងតៃវ៉ាន់

ដើម្បីបំពេញតម្រូវការដែលកំពុងកើនឡើង និងកំណើនប្រកបដោយចីរភាពនៅក្នុងតំបន់អាស៊ីប៉ាស៊ីហ្វិក ក្រុមហ៊ុន Royal Enfield បានប្រកាសចូលទីផ្សារថ្មីចំនួន ពីរ គឺ ហុងកុង និងតៃវ៉ាន់។ នៅទីក្រុងហុងកុង ការប្រកាសនេះត្រូវបានធ្វើឡើងតាមរយៈការសម្ពោធបន្ទប់តាំងបង្ហាញផលិតផលលំដាប់កំពូលនៅ Chai Wan។ ចំនែកឯនៅតៃវ៉ាន់ បន្ទប់តាំងបង្ហាញផលិតផលដំបូងត្រូវបានបើកនៅទីក្រុង Hsinchu ជាមួយក្រុមហ៊ុន Taikoo Motors ជាអ្នកទទួលបានការអនុញ្ញាតក្នុងការចែកចាយ។

ក្រុមហ៊ុន Royal Enfield បានតែងតាំងប្រធានអាជីវកម្មថ្មីសម្រាប់តំបន់អាស៊ីប៉ាស៊ីហ្វិក

ជាមួយគ្នានេះដែរដើម្បីពង្រឹងភាពជាអ្នកដឹកនាំរបស់ខ្លួននៅក្នុងទីផ្សារពិភពលោក ក្រុមហ៊ុន Royal Enfield បានតែងតាំងលោក Manoj Gajarlawar ជាប្រធានអាជីវកម្មថ្មីសម្រាប់តំបន់អាស៊ីប៉ាស៊ីហ្វិក។ ការតែងតាំងនេះនឹងពង្រឹងវត្តមានរបស់ Royal Enfield នៅក្នុងផ្នែកម៉ូតូទំហំមធ្យមបន្ថែមទៀត។

Royal Enfield បានទទួលពានរង្វាន់ជាច្រើនសម្រាប់ម៉ូតូរបស់ខ្លួននៅក្នុងតំបន់ APAC

Royal Enfield បានទទួលពានរង្វាន់ដ៏មានកិត្យានុភាពនៅក្នុងប្រទេសថៃ ម៉ាឡេស៊ី និងរុស្ស៊ី។ ជាក់ស្ដែងនៅក្នុងប្រទេសថៃម៉ូឌែល Super Meteor 650 បានឈ្នះពានរង្វាន់ ‘Best Cruiser in Middle Weight’ ក្នុងពានរង្វាន់ប្រចាំឆ្នាំ Thailand Bike of the Year 2026 ដែលរៀបចំដោយ Grand Prix Group។ ចំណែកឯនៅក្នុងប្រទេសម៉ាឡេស៊ីម៉ូឌែល Guerrilla 450 បានឈ្នះពានរង្វាន់ Best Modern Classic Bike of the Year ហើយនៅក្នុងប្រទេសរុស្ស៊ី ការផលិតផ្ទាល់ខ្លួនរបស់ Royal Enfield ម៉ូឌែល Cor Ferro ដោយ Copper Chopper — ដោយផ្អែកលើ Super Meteor 650 — ទទួលបានចំណាត់ថ្នាក់លេខ 1 ក្នុងប្រភេទ Metric និងលេខ 2 ក្នុងប្រភេទ Freestyle ដោយសម្រេចបាននូវពានរង្វាន់ដ៏កម្រចំនួន ២ នៅក្នុងការប្រកួតប្រជែងដ៏ខ្លាំងក្លាបំផុត។

ការបង្ហាញពី ការផលិតផ្ទាល់ខ្លួនដែលមានលក្ខណៈខុសប្លែកគ្នា

នៅក្នុងប្រទេសជប៉ុន Royal Enfield បានបង្ហាញការផលិតផ្ទាល់ខ្លួនពិសេសចំនួនពីរ គឺ “VITA” និង “Carolina Reaper” នៅក្នុងកម្មវិធី Yokohama Hot Rod Custom Show លើកទី 33 ឆ្នាំ 2025។ VITA ត្រូវបានផលិតដោយ Yuichi Yoshizawa និង Yoshikazu Ueda មកពី Custom Works Zon ដែលជារោងចក្រផលិតផ្ទាល់ខ្លួនដែលមានមូលដ្ឋាននៅខេត្ត Shiga។ ជាមួយគ្នានេះដែរ នៅឯប្រទេសថៃវិញ រថយន្ត Urban Striker ត្រូវបានផលិតឡើងនៅលើ Guerrilla 450 Apex ដែលផលិតឡើងតាមតម្រូវការរបស់ Apollo Garage។

ការពង្រីកខ្លួននៅក្នុងទីផ្សារជួលម៉ូតូ

នៅទូទាំងប្រទេសថៃ ជប៉ុន អូស្ត្រាលី កម្ពុជា និងម៉ុងហ្គោលី មានម៉ូតូជាង ៤០០ គ្រឿងកំពុងត្រូវបានប្រើប្រាស់ដោយប្រតិបត្តិករទេសចរណ៍ និងប្រតិបត្តិករ ជួលម៉ូតូជាច្រើន។ ប្រតិបត្តិករជួលម៉ូតូ កំពុងពង្រីកអាជីវកម្មរបស់ពួកគេជាមួយនឹងម៉ូតូកម្លាំង 350cc, 450cc និង 650cc ដោយផ្អែកលើម៉ូឌែលផ្សេងៗគ្នាដែលមាននៅទូទាំងទីផ្សារ។

ការផ្តោតអារម្មណ៍ឡើងវិញលើបទពិសោធន៍នៃការកាន់កាប់

Royal Enfield បានខិតខំប្រឹងប្រែងឥតឈប់ឈរលើការកែលម្អបទពិសោធន៍ក្រោយពេលលក់ និងពេលជាកម្មសិទ្ធិ។ Royal Enfield បន្តផ្តោតលើការអភិវឌ្ឍជំនាញរបស់ជាងជួសជុល ដោយបង្កើត មជ្ឈមណ្ឌលបណ្តុះបណ្តាលតំបន់មួយនៅប្រទេសថៃ ដើម្បីបង្កើនជំនាញជាងជួសជុលនៅក្នុងតំបន់។ នៅកម្រិតសកល មានការផ្តោតអារម្មណ៍យ៉ាងខ្លាំងលើការរៀនសូត្រ និងជំនាញវិនិច្ឆ័យរបស់ជាងជួសជុលបណ្តាញ និងការប្រកួតប្រជែងជំនាញបច្ចេកទេស។

កម្មវិធីបើកបរ ម៉ូតូប្លែកៗនៅទូទាំងតំបន់

ការជិះម៉ូតូនៅ Royal Enfield តែងតែនិយាយអំពីការផ្សងព្រេង ការធ្វើដំណើរ និងការរុករក។ យើងបានចិញ្ចឹមបីបាច់វប្បធម៌នៃការជិះកម្សាន្តតាមរយៈការបើកបរជាច្រើនដែលទាក់ទាញ និងមានបទពិសោធន៍យ៉ាងជ្រាលជ្រៅក្រោមកម្មវិធីជិះ និងព្រឹត្តិការណ៍របស់យើង។ នៅអាស៊ីប៉ាស៊ីហ្វិក យើងមានសហគមន៍ Royal Enfield ជាង 100 ដែលមានអ្នកជិះជាង 15,000 នាក់។ យើងមានការបង្កើត Tour of Thailand, Tour of Tasmania និង Coastal Trails ដែលទទួលបានជោគជ័យយ៉ាងខ្លាំង។ ការជិះលើកដំបូងដែលមានឈ្មោះថា “Ride & Camp” និងការជិះ Brand Led Marquee របស់យើងត្រូវបានធ្វើឡើងនៅប្រទេសម៉ាឡេស៊ី។ នៅប្រទេសម៉ាឡេស៊ី យើងបានបង្កើតសៀវភៅកំណត់ត្រា Limca ជាមួយនឹងការជួបជុំដ៏ធំបំផុតនៅ Sepeng Circuit ដែលមានអ្នកជិះជាង 800 នាក់។

អំពី Royal Enfield

យីហោម៉ូតូចាស់ជាងគេក្នុងការផលិតបន្ត គឺ Royal Enfields បានបង្កើតម៉ូតូច្នៃយ៉ាងស្រស់ស្អាតតាំងពីឆ្នាំ១៩០១។ ពីប្រភពដើមរបស់អង់គ្លេស រោងចក្រផលិតត្រូវបានបង្កើតឡើងនៅ Madras នៅឆ្នាំ ១៩៥៥ ដែលជាកន្លែងឈរជើងដែលរ៉ូយ៉ាល់ Enfield នាំមុខការរីកចម្រើនរបស់អ្នកជិះម៉ូតូធុនមធ្យមចំនួន ២ របស់ឥណ្ឌា។ Royal Enfields កំពុងបញ្ជូលភាពមិនស្មុគស្មាញ អាចដំណើរការបានល្អ និងភាពរីករាយក្នុងការជិះ ទោចក្រយានយន្តសម្រាប់ការរុករក និងការបញ្ចេញគំនិតដោយខ្លួនឯងទាំងនេះហើយ ដែលជាវិធីសាស្រ្តមួយដែលយីហោ Royal Enfields ហៅថាម៉ូតូសុទ្ធសាធ។

ម៉ូឌែលប្រណិតៗរបស់ Royal Enfield ដែលបានចេញលក់រួមមាន Bear 650, Classic 650, Guerrilla 450 modern roadster, Hunter 350, Meteor 350, Super Meteor 650, Interceptor 650 និង Continental GT 650 twins, Shotgun 650, Himalayan 450, iconic Bullet 350, Classic 350 និង Goan Classic 350។ ហើយថ្មីៗនេះ ក្រុមហ៊ុនបានបង្ហាញពីម៉ាកម៉ូតូ City+ ថ្មីរបស់ខ្លួន – Flying Flea – ថ្មីស្រឡាងលើការចល័តទីក្រុង រួមបញ្ចូលគ្នានូវការរចនាពិតប្រាកដជាមួយនឹងបច្ចេកវិទ្យាទំនើប។
អ្នកជិះម៉ូតូ និងអ្នកដែលនិយមចូលចិត្តម៉ូតូបែបនេះ នឹងទទួលបានការគាំទ្រយ៉ាងខ្លាំងពីព្រឹត្តិការណ៍គ្រប់កម្រិតទាំងថ្នាក់តំបន់ និងអន្តរជាតិ អ្វីដែលគួរអោយកត់សំគាល់បំផុតនោះ គឺការជិះម៉ូតូ ដែលជាការជួបជុំជារៀងរាល់ឆ្នាំរបស់មនុស្សរាប់ពាន់នាក់ដែលមានការចាប់អារម្មណ៍ពី Royal Enfield នៅ Goa និង Himalayan Odyssey ដែលធ្វើឡើងជាប្រចាំឆ្នាំនៅលើ ផ្លូវ ដី ដែលពិបាក និងឆ្លងកាត់ភ្នំខ្ពស់បំផុត។

ផ្នែកមួយនៃ Eicher Motors Limited, Royal Enfield ដំណើរការតាមរយៈហាងជាង 2000 នៅទូទាំងទីក្រុង និងទីប្រជុំជនសំខាន់ៗទាំងអស់ក្នុងប្រទេសឥណ្ឌា និងតាមរយៈហាងជិត 850 នៅក្នុងប្រទេសជាង 60 ជុំវិញពិភពលោក។ Royal Enfield ក៏មានមជ្ឈមណ្ឌលបច្ចេកទេសលំដាប់ពិភពលោកចំនួនពីរផងដែរ គឺនៅ Bruntingthorpe ចក្រភពអង់គ្លេស និងនៅ Chennai ប្រទេសឥណ្ឌា។ រោងចក្រផលិតទំនើបបំផុតចំនួនពីររបស់ក្រុមហ៊ុនមានទីតាំងនៅ Oragadam និង Vallam Vadagal នៅជិត Chennai ។ នៅទូទាំងពិភពលោក Royal Enfield មានអង្គភាពដំឡើង CKD ទំនើបចំនួនប្រាំនៅក្នុងប្រទេសនេប៉ាល់ ប្រេស៊ីល ថៃ អាហ្សង់ទីន និងកូឡុំប៊ី៕