ដំណឹងល្អ! មន្ទីរពេទ្យមិត្តភាពខ្មែរ-សូវៀត ជ្រើសរើសបុគ្គលិកកិច្ចសន្យាមន្ទីរពេទ្យ ត្រូវការជ្រើសរើសបុគ្គលិកកិច្ចសន្យាមន្ទីរពេទ្យជា គិលានុបដ្ឋាក-យិកា ចំនួន ២៥រូប

(រាជធានីភ្នំពេញ)៖ នៅព្រឹកថ្អអៃទី ៨ ខែមិថុនា ឆ្នាំ ២០២៦ នេះ មន្ទីរពេទ្យមិត្តភាពខ្មែរ-សូវៀត បានចេញសេចក្ដីជូនដំណឹងពី ការជ្រើសរើសបុគ្គលិកកិច្ចសន្យាមន្ទីរពេទ្យជា គិលានុបដ្ឋាក-យិកា ចំនួន ២៥រូប។

ក្នុងសេចក្តីជូនដំណឹងរបស់ មន្ទីរពេទ្យមិត្តភាពខ្មែរ-សូវៀត ស្តីពី ការជ្រើសរើសបុគ្គលិកកិច្ចសន្យាមន្ទីរពេទ្យ ត្រូវការជ្រើសរើសបុគ្គលិកកិច្ចសន្យាមន្ទីរពេទ្យជា គិលានុបដ្ឋាក-យិកា ចំនួន ២៥រូប។

ចំពោះ បេក្ខជន បេក្ខនារី ត្រូវមានលក្ខណៈសម្បត្តិដូចខាងក្រោម៖

– សញ្ញាបត្រតាមជំនាញ ឬ វិញ្ញាបនបត្រដែលមានតម្លៃស្មើ

– មានអាជ្ញាបណ្ណប្រកបវិជ្ជាជីវៈសម្រាប់គិលានុបដ្ឋាកកម្ពុជា

– ចេះភាសាអង់គ្លេស និងកុំព្យូទ័រ (មានអាទិភាព)

– ធ្លាប់មានបទពិសោធន៍ការងារ យ៉ាងតិច ២ឆ្នាំ (មានអាទិភាព) និងអាកប្បកិរិយា ឥរិយាបទ ការងារល្អ រួសរាយរាក់ទាក់ សាមគ្គីភាព និងទំនាក់ទំនងការងារល្អ

– សុខភាពល្អ និងកាយសម្បទាមាំមួន

– ឧស្សាហ៍ព្យាយាម អំណត់ ស្មោះត្រង់ និងទទួលខុសត្រូវខ្ពស់

បេក្ខជន បេក្ខនារី ដែលមានចំណាប់អារម្មណ៍ សូមភ្ជាប់មកជាមួយនូវឯកសារដូចខាងក្រោម៖

– ប្រវត្តិរូប (មានបិតរូបថត ៤ x ៦) និងពាក្យសុំចូលបំរើការងារ

– សញ្ញាបត្រមធ្យមសិក្សាទុតិយភូមិ និងសញ្ញាបត្រតាមជំនាញ (ថតចម្លងមានបញ្ជាក់ត្រឹមត្រូវ)

– អាជ្ញាបណ្ណប្រកបវិជ្ជាជីវៈសម្រាប់គិលានុបដ្ឋាកកម្ពុជា មានសុពលភាព (ថតចម្លង)

សេចក្តីចម្លងសំបុត្របញ្ជាក់កំណើត (ច្បាប់ដើម) អត្តសញ្ញាណប័ណ្ណសញ្ជាតិខ្មែរ សៀវភៅគ្រួសារ ឬសៀវភៅស្នាក់នៅ (ថតចម្លង និងមានបញ្ជាក់អាជ្ញាធរមូលដ្ឋាន)

– ឯកសារពាក់ព័ន្ធផ្សេងៗ

សូមយកពាក្យមកដាក់នៅការិយាល័យរដ្ឋបាលនិងបុគ្គលិកនៃមន្ទីរពេទ្យមិត្តភាពខ្មែរ-សូវៀត រៀងរាល់ ម៉ោងធ្វើការ ចាប់ពីថ្ងៃផ្សាយដំណឹងនេះតទៅ រហូតដល់ថ្ងៃទី ១៩ ខែមិថុនា ឆ្នាំ ២០២៦៕

ប្រភព៖ មន្ទីរពេទ្យមិត្តភាពខ្មែរ-សូវៀត