រថយន្ត Hyundai Palisade ស៊េរីឆ្នាំ 2020 នឹងមកដល់ឃ្លាំងលក់នៅអាមេរិកក្នុងពេលឆាប់ៗនេះ ហើយក្រុមហ៊ុនផលិតរថយន្តនេះបានប្រកាសថា វានឹងមានតម្លៃចាប់ពី 31,550ដុល្លារអាមេរិក ឡើងទៅ។ ម៉ូដែល Palisade SE មានភាពទាន់សម័យ ជាមួយនឹងរបាំងមុខដ៏ក្រាស់រឹងមាំ អមដោយចង្កៀងមុខស្វ័យប្រវត្តិ និងអំពូលភ្លើងពេលថ្ងៃប្រភេទ LED ។ ផ្នែកសំខាន់ៗផ្សេងទៀតរួមមាន កញ្ចក់ឯកជន និងយ៉ាន់ស្ព័រ ទំហំ 18អ៊ីញ ហើយផ្នែកខាងក្នុងដូចជា៖ អេក្រង់ Display Audio ទំហំ 8អ៊ីញ (Android Auto) និង Apple CarPlay ។ មុខងារសុវត្ថិភាពដូចជា៖ Lane Keeping Assist, Rear Parking Distance Warning, Forward Collision Avoidance Assist, Smart Cruise Control…។

ចំណែកម៉ូដែល Palisade SEL (ធុនកណ្តាល) មានតម្លៃចាប់ពី 33,500ដុល្លារអាមេរិក និងមានរូបរាងខ្ពស់ជាងមុន ដោយសារតែបន្ទះរបាំងមុខ និង ដៃទ្វាររថយន្តប្រភេទ satin chrome ។ ម៉ូដែលនេះក៏មានដំបូលប្រភេទ roof rails និងកញ្ចក់ចំហៀង បំពាក់ដោយភ្លើងដេញ LED ជាមួយនឹងមុខងារ heated front seats និង dual-zone automatic climate control system ដែលជាមុខងារគ្រប់គ្រងសីតុណ្ហាភាពរវាងតៃកុង និងអ្នកដំណើរ។

ចំណែក Palisade Limited ដែលជាប្រភេទ premium មានតម្លៃចាប់ពី 44,700ដុល្លារអាមេរិក ជាមួយនឹងដំបូល dual sunroofs កាំយ៉ាន់ស្ព័រទំហំ 20អ៊ីញ។ យ៉ាងណាមិញមិនថាប្រភេទមួយណាដែលលោកអ្នកជ្រើសរើសនោះទេ គ្រប់ Palisades ទាំងអស់ ត្រូវបានបំពាក់ដោយម៉ាស៊ីន V6 ទំហំ 3.8លីត្រ ដែលអាចផ្តល់កម្លាំង 291សេះ (217kW/295PS) និងកម្លាំងបង្វិល 262lb-ft (355 Nm) ៕

អត្ថបទ៖ លីដា