ចោរឆក់កាបូប មន្ត្រីកងរាជអាវុធហត្ថក្រុង នៅម្តុំជិតរង្វង់មូលកាំកូ ត្រូវសមត្ថកិច្ចតាមចាប់ខ្លួនដល់ស្រុកមោងឫស្សីខេត្តបាត់ដំបង
ចោរឆក់កាបូប និងកាំភ្លេីងរបស់មន្ត្រីកងរាជអាវុធហត្ថរាជធានីភ្នំពេញ កាលពីថ្ងៃទី១២ ខែមិថុនា ឆ្នាំ២០១៩ ត្រូវបានចាប់ខ្លួននៅស្រុកមោងឫស្សីខេត្តបាត់ដំបង
កាលពីថ្ងៃទី២១ ខែមិថុនា ឆ្នាំ២០១៩ មន្រ្តីជំនាញនៃរបស់ស្នងការដ្ឋាននគរបាលរាជធានីភ្នំពេញ រួមសហការជាមួយមន្រ្តីជំនាញរបស់ស្នងការដ្ឋាននគរបាលខេត្តបាត់ដំបង និងនគរបាលស្រុកមោងឫស្សី បានធ្វេីការតាមប្រម៉ាញ់ចាប់ខ្លួនមុខសញ្ញា(ឆក់កាបូប)មន្រ្តីកងរាជអាវុធហត្ថនៅរាជធានីភ្នំពេញ នៅម្តុំជិតរង្វង់មូលខាំកូ យកបានអាវុធខ្លី និងប្រាក់ដុល្លារមួយចំនួនកាលពីថ្ងៃទី១២ ខែមិថុនា ឆ្នាំ២០១៩ ដែលបានរត់មកលាក់ខ្លួននៅស្រុកមោងឫស្សីបានចំនួន០១នាក់ក្នុងចំណោមបក្សពួកគេផ្សេងទៀត។
ក្រោយពេលធ្វេីសកម្មភាពរួច ជនសង្ស័យម្នាក់ក្នុងចំណោមបក្សពួកដទៃទៀតបានរត់គេចខ្លួនមកសំងំនៅចំណុចក្រុមទី០៨ ភូមិម៉ាណោក ឃុំតាលាស់ ស្រុកមោងឬស្សី ខេត្តបាត់ដំបង ឆ្លងតាមរយៈការស្រាវជ្រាវដោយប្រេីប្រាស់គ្រប់វិធានការជំនាញ ជនសង្ស័យឈ្មោះ អោក ធារ៉ូ ភេទប្រុស អាយុ ២៤ឆ្នាំ មានទីលំនៅ បច្ចុប្បន្ននៅសង្កាត់គីឡូលេខ៦ ខណ្ឌឫស្សីកែវ រាជធានីភ្នំពេញ ត្រូវបានចាប់ខ្លួន និងបញ្ជូនមកកាន់ស្នងការដ្ឋាននគរបាលរាជធានីភ្នំពេញដេីម្បីស្រាវជ្រាវបន្ត ដែលក្នុងនោះអាវុធខ្លីមួយដេីមជារបស់ជនរងគ្រោះត្រូវបានរកឃេីញ៕
ប្រភព៖ ស្នងការដ្ឋាននគរបាលរាជធានីភ្នំពេញ
ដោយ៖ ណារ៉ែន