ទូកនេសាទមួយគ្រឿង បានរសាត់បុកច្រាំងបណ្តាលអោយខូចខាតទាំងស្រុង

យោងតាមប្រភពព័ត៌មានបានឲ្យដឹងថាមានករណីទូកនេសាទមួយគ្រឿងបានរសាត់បុកច្រាំងបណ្តាលអោយខូចខាតទាំងស្រុង ហេតុការណ៍នេះបានកើតឡើងកាលពីវេលាទាបភ្លឺថ្ងៃទី០២ ខែកក្កដា ឆ្នាំ២០១៩ នៅចំណុចឆ្នេរ Sunset ភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។

មូលហេតុនាំឲ្យករណីនេះកើតឡើងដោយសារតែនៅវេលាម៉ោង​ ២៣:០០នាទី​ ថ្ងៃទី០១​ ខែកក្កដា​ ឆ្នាំ២០១៩ ទូកបានគាំងស្លាបចក្រ ហេីយម្ចាស់ទូកក៏បានបោះយុតថ្កា រហូតដល់វលាទាបភ្លឺយុតថ្កាមានបញ្ហា​ បណ្តាលអោយទូកបោកជាមួយផ្ទាំងថ្ម​តែម្តង​។ នៅលេីទូកមានតែម្ចាស់ទូកម្នាក់ប៉ុណ្ណោះមានឈ្មោះ ស្រេង ហ៊ា ភេទប្រុសអាយុ២៧ឆ្នាំ ស្រុកកំណើត ខេត្តព្រៃវែង ទីលំនៅបច្ចុប្បន្ន ភូមិកោះស្តេច​ ស្រុកបុទុមសាគរ ខេត្តកោះកុង​ មុខរបរនេសាទ។ ករណីខាងលេីមិនបង្កអោយមានគ្រោះថ្នាក់ដល់ជីវិតមនុស្សទេ​ ខូចខាតតែឧបករណ៍នៅលេីទូកប៉ុណ្ណោះ​៕

ប្រភព៖ លោក ហ៊ុយ ប៊ុនឡេង
ដោយ៖ ណារ៉ែន