ព័ត៌មានជាតិ

គាំទ្រចំពោះចំណាត់ការ! ឧត្តមសេនីយ៍ឯក ស ថេត ដាក់វិធានការលុបបំបាត់ម៉ូតូមានគ្រឿងបំពងសម្លេងលឺខ្លាំង រំខានដល់ពលរដ្ឋ

BY: Khmernote Media

: July 11, 2019

នាព្រឹកថ្ងៃព្រហស្បតិ៍ ទី១១ ខែកក្កដា ឆ្នាំ២០១៩ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានលើកឡើងថានឹងដាក់វិធានការត្រូវលុបបំបាត់ម៉ូតូទាំងឡាយណាដែលមានគ្រឿងបំពងសម្លេងលឺខ្លាំង រំខានដល់ពលរដ្ឋ។

ការលើកឡើងនេះនៅក្នុងឱកាសប្រគល់លិខិតបញ្ជាក់ការសិក្សាវគ្គបំប៉នជំនាញ បច្ចេកទេសវិទ្យាសាស្ត្រ និងការគ្រប់គ្រងការស្នាក់នៅជំនាន់ទី៤ ដែលមានសិក្ខាកាមជាង២០០នាក់ នៅស្នងការដ្ឋាននគរបាលរាជធានីភ្នំពេញ ដោយឯកឧត្តម ឧត្តមសេនីយ៍ឯក ស ថេត បានលើកឡើងថា ខណ្ឌដូនពេញ ត្រូវមានវិធានការមុនគេ ក្នុងការលុបបំបាត់ម៉ូតូដែលបង្កសម្លេងរំពងខ្លាំង ជាពិសេសនៅពេលរាត្រី ព្រោះវាពិតជាបានរំខានដល់ពលរដ្ឋ ជាពិសេសចាស់ៗដែលពួកគាត់ពិបាកនឹងសម្រានទៅវិញ នៅពេលភ្ញាក់ពីដំណេក។

ក្រៅពីនេះ ឯកឧត្តម ស ថេត ជំរុញឱ្យទប់ស្កាត់ការប្រណាំងម៉ូតូ ជាពិសេសក្រុមសិស្សសាលានៅក្នុងរាជធានីភ្នំពេញ ហើយនៅពេលឃាត់បានហើយ ត្រូវហៅអាណាព្យាបាល ដើម្បីធ្វើកិច្ចសន្យា និងអប់រំ៕

ប្រភព៖ នគរបាលជាតិ
ដោយ៖ណារ៉ែន

Share This Post:

SPONSOR

អត្តបទទាក់ទង