កុមារា កុមារី ២នាក់ ស្លាប់ដោយសារពុលអាហារ (បបរលាយជាមួយមីកញ្ចប់រូបខ្លាឃ្មុំប្រហិត ព្រមទាំងតែគុជ) នៅស្រុកក្រូចឆ្មារ
ខេត្តត្បូងឃ្មុំ ៖ កម្លាំងជំនាញផ្នែកនគរបាលកោសល្យវិច្ច័យ នៃអធិការដ្ឋាននគរបាលស្រុកក្រូចឆ្មារ បានធ្វើការពិនិត្យសាកសព កុមារ៉ា កុមារី ២នាក់ដែលបានស្លាប់ដោយសារពុលអាហារ កាលពីវេលាម៉ោង៧និង០០នាទីព្រឹកថ្ងៃទី១៣ ខែកក្កដា ឆ្នាំ២០១៩ នៅចំណុចក្នុងបរិវេណវត្តអម្ពវ័នហៅវត្តក្ដុលកណ្ដាល ស្ថិតនៅភូមិក្ដុលកណ្ដាល ឃុំទ្រា ស្រុកក្រូចឆ្មារ ខេត្តត្បូងឃ្មុំ។
តាមសម្តីលោកយាយឈ្មោះ យា ភាន អាយុ៦១ឆ្នាំ លំនៅភូមិក្តុលលើ ឃុំទ្រា.ស្រុកក្រូចឆ្មារ ខេត្តត្បូងឃ្មុំ បានឲ្យដឹងថា លោកយាយបាននាំចៅបង្កើត ប្រុស ស្រី ទៅហូបបបរលាយជាមួយមីកញ្ចប់រូបខ្លាឃ្មុំ ប្រហិត ព្រមទាំងតែគុជ។
តាមសម្តីលោកយាយបន្តទៀតថា នៅពេលចៅទាំង២នាក់ហូបបបររួចហើយ ២នាក់បងប្អូនក៏រត់លេងក្បែរពាង និងឡើងលើពាងលេង ខណៈនោះ ស្រាប់តែចៅឈ្មោះ ណាង យូចាង មានអាការៈស្លេកស្លាំងខ្មៅបបូរមាត់ដេកលើពោង ហើយភ្លាមៗនោះ ត្រូវបានជីតាបង្កើតដឹកយកទៅសង្គ្រោះនៅមន្ទីរពេទ្យ តែត្រូវបានស្លាប់នៅតាមផ្លូវ។ តាមការពិនិត្យរបស់អាជ្ញាធរសមត្ថកិច្ច និងគ្រូពេទ្យបានសន្និដ្ឋានថា ក្មេងរងគ្រោះអាចស្លាប់ដោយមូលហេតុ ស្លាក់អាហារ។ បច្ចុប្បន្ន ក្មេងរងគ្រោះបានប្រគល់ឲ្យឪពុកម្តាយក្រុមគ្រួសារធ្វើបុណ្យតាមប្រពៃណី៕
ប្រភព៖ អគ្គស្នងការដ្ឋាននគរបាលជាតិ