(ព័ត៌មានបឋម) គ្រោះថ្នាក់ចរាចរណ៍គួរឲ្យរន្ធត់នៅមុខវិមានឈ្នះឈ្នះ បណ្តាលឲ្យស្លាប់២នាក់ និងរបួសចំនួន០៧នាក់
ព័ត៌មានបឋម៖ គ្រោះថ្នាក់ចរាចរណ៍រវាង រថយន្តដឹកអុស យីឌុប ស្លាកលេខ តាកែវ 3A- 1110 និង រថយន្តកែច្នៃ គ្មានស្លាកលេខ មុខវិមានឈ្នះឈ្នះ បានបណ្តាលអោយមានអ្នកស្លាប់ចំនួន២នាក់ និងរបួសចំនួន០៧នាក់។ ហេតុការណ៍នេះបានកើតឡើងនៅវេលាម៉ោង ១២និង៣០នាទីថ្ងៃត្រង់ នៅចំណុច ផ្លូវ វិថីឈ្នះឈ្នះ ស្ថិតនៅក្រុម០៨ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
មូលហេតុដែលនាំឲ្យមានគ្រោះថ្នាក់ចរាចរណ៍នៅមិនទាន់ដឹងនៅឡើយ ដោយក្នុង រថយន្តដឹកអុសមានមនុស្សស្លាប់០១នាក់ ភេទប្រុស អាយុប្រហែល៣០ឆ្នាំជាង ចំណែករថយន្តកែច្នៃមានមនុស្សស្លាប់០១នាក់ ភេទប្រុស អាយុប្រហែល៣០ជាង ស្លាប់នៅពីក្រោមរថយន្ត រងរបួសធ្ងន់ស្រាលចំនួន០៧នាក់ ក្នុងនោះមានក្មេងអាយុ០៤ឆ្នាំម្នាក់ត្រូវបានសមត្ថកិច្ចកំពុងជួយសង្គ្រោះ តាមសាក្សីកន្លែងកេីតហេតុ តៃកុងរថយន្ត យីឌុបរត់គេចខ្លួនបាត់៕
ប្រភព៖ ស្នងការដ្ឋាននគរបាលរាជធានីភ្នំពេញ