ឯកឧត្តម គួច ចំរើន ស្នើឲ្យមានការដកខ្លួនចេញជាបន្ទាន់ ចំពោះមន្រ្តីណាដែល មានការពាក់ព័ន្ធក្នុងរឿងវិវាទដីធ្លី, បញ្ហាលាងលុយខ្មៅ និងការជួញដូរមនុស្សជាដើម

ឯកឧត្តម គួច ចំរើន អភិបាលខេត្តព្រះសីហនុ ស្នើឱ្យមានការដកខ្លួនចេញជាបន្ទាន់ ចំពោះមន្រ្តីណាដែលពាក់ព័ន្ធនូវអំពើល្មើសច្បាប់។ ដោយឯកឧត្តម គួច ចំរើន បានណែនាំនិងចេញការព្រមាន អោយមន្ត្រីរាជការឬកងកម្លាំងមានសមត្ថកិច្ចក្នុងខេត្ត ដកខ្លួនចេញជាបន្ទាន់ ចំពោះមន្រ្តីឬសមត្ថកិច្ចរូបណាដែល មានការពាក់ព័ន្ធក្នុងរឿងវិវាទដីធ្លី, បញ្ហាលាងលុយខ្មៅ, ការជួញដូរមនុស្ស និងរួមគំនិតក្នុងបទល្មើសណាមួយ ។ ការណែនាំនិងព្រមាននេះធ្វើឡើងក្នុងពេលឯកឧត្តម អភិបាលខេត្តអញ្ជើញជាអធិបតីដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តព្រះសីហនុ កាលរសៀលថ្ងៃទី១៩ ខែកក្កដា ឆ្នាំ២០១៩៕

ប្រភព៖ លោកពូ ហ៊ុយ ប៊ុនឡេង