រដ្ឋាភិបាលក្រុងហុងកុងត្រៀមលុយជាង១៨ពាន់លានដុល្លារទុកចែកជូនពលរដ្ឋខ្លួន ដោយម្នាក់ទទួលបានជាង៥០០ដុល្លារ

កាលពីពេលថ្មីៗនេះ រដ្ឋាភិបាលក្រុងហុងកុងបានសម្រេចយកថវិកាចំនួន១៨ពាន់លានដុល្លារ​ចែកទៅឲ្យប្រជាពលរដ្ឋខ្លួន ដែលក្នុងនោះមានប្រជាពលរដ្ឋប្រមាណជាមួយភាគបីនៃប្រជាជនសរុបនឹងទទួលបានលុយទាំងនេះ។ បើយោងតាមលោក Paul Chan Mo-po លេខាធិការហិរញ្ញវត្ថុរបស់ទីក្រុងហុងកុងបានប្រាប់អ្នកសារព័ត៌មានថា ប្រជាពលរដ្ឋហុងកុង ដែលអាចទទួលបានលុយដែលរដ្ឋាភិបាលចែកជូននេះត្រូវមានលក្ខខណ្ឌដូចខាងក្រោមនេះ៖

+ មានអាយុចាប់ពី១៨ឆ្នាំឡើងទៅ
+ គ្មានទ្រព្យសម្បត្តិផ្ទាល់ខ្លួន
+ អត់ទទួលបានប្រាប់ឧបត្ថម្ភពីរដ្ឋាភិបាល
+ អ្នកដែលមិនមានកាតព្វកិច្ចបង់ពន្ធប្រាក់ចំណូលប្រចាំឆ្នាំ (គិតចាប់ពីសប្តាហ៍បន្ទាប់ទៅ)
+ ជាមធ្យមមនុស្សម្នាក់អាចនឹងទទួលបានប្រាក់ចំនួន៥១០ដុល្លារអាមេរិក។

យ៉ាងណាក្តី ចំពោះអ្នកដែលមិនមានកាតព្វកិច្ចបង់ពន្ធប្រាក់ចំណូល និងរស់នៅក្នុងដោយផ្អែកលើទ្រព្យសម្បត្តិផ្ទាល់ខ្លួនមួយចំនួនក៏អាចទទួលបានប្រាក់ខ្លះដែរ អាចតិចជាង ៥០០ ដុល្លារ ដោយផ្អែកលើស្ថានភាពជាក់ស្តែងរបស់ពួកគេ៕

អត្ថបទ៖ ភក្តី

ប្រភព៖ reuters