ម្នាក់ទៀតហើយ! រដ្ឋមន្ត្រីក្រសួងយុតិ្តធម៌ សម្រេចផ្អាកមុខងារលោក ជា ពេជ្រ ព្រះរាជអាជ្ញាខេត្តរតនគិរី បន្ទាប់បែកធ្លាយរឿងផិតក្បត់

ឯកឧត្តម អង្គ វង្ស វឌ្ឍានា រដ្ឋមន្ត្រីក្រសួងយុតិ្តធម៌ សម្រេចផ្អាកមុខងារលោក ជា ពេជ្រ ព្រះរាជអាជ្ញាអមសាលាដំបូងខេត្តរតនគីរីជាបណ្តោះអាសន្ន រង់ចាំសេចក្តីសម្រេចស្ថាពររបស់តុលាការ និងបានសម្រេចចាត់លោក ងិន ពេជ បំពេញមុខងារជាព្រះរាជអាជ្ញាស្តីទីអមសាលាដំបូងខេត្តរតនគីរី នេះបើយោងតាមលិខិតលេខ១៤០២ ចុះថ្ងៃទី២៥ ខែកក្កដា ឆ្នាំ២០១៩។

ការផ្អាកតួនាទីនេះផងដែរបន្ទាប់ពីមានករណីលោកស្រី ហ៊ាន លក្ខិណា ភរិយាដើម របស់លោក ជា ពេជ្រ ព្រះរាជអាជ្ញាសាលាដំបូងខេត្តរតនគិរី បានប្តឹងលោក ជា ពេជ្រ ពីបទផិត លួចលាក់មានប្រពន្ធចុង ព្រមទាំងប្រើអំណាចគំរាមកំហែងមកលើភរិយាស្របច្បាប់៕

ប្រភព៖ ក្រសួងយុត្តិធម៌