ព័ត៌មានជាតិ
ព្រះមហាក្សត្រយាងសាកសួរសុខទុក្ខ និង ព្រះរាជទានចែកអំណោយជូនប្រជាកសិករក្រីក្រ នៅខេត្តកំពង់ស្ពឺ
BY Khmernote Media
July 26, 2019
កំពង់ស្ពឺ៖ នាវេលាព្រឹកថៃ្ងទី២៦ ខែកក្កដា ឆ្នាំ២០១៩នេះ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ស្ដេចយាងសាកសួរសុខទុក្ខ ព្រះរាជទានចែកអំណោយជូនប្រជាកសិករក្រីក្រនៅភូមិតានក ឃុំភក្កី ស្រុកបរសេដ្ឋ ខេត្តកំពង់ស្ពឺ ចំនួន ៤៣៨គ្រួសារ សិស្សានុសិស្ស លោកគ្រូ អ្នកគ្រូ ៣៧៩នាក់។
ព្រះរាជអំណោយដែលព្រះអង្គប្រទានដល់ប្រជានុរាស្រ្តទាំង ៤៣៨គ្រួសារ ក្នុងមួយគ្រួសារៗទទួលបាន អង្ករ ៥០គីឡូក្រាម ឃីត ១កញ្ចប់ (មានមុង១ ភួយ១ សារុង១ និងក្រមា១) តង់កៅស៊ូ១ផ្ទាំង មី ១កេស ត្រីខ ១០កំប៉ុង ស្បែកជើងផ្ទាត់១គូរ អាវយឺតមានស្លាកព្រះរាជអំណោយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន ១ និងថវិកា ១០ម៉ឺនរៀល ៕
ប្រភព៖ Royal du Cambodge