ឯកឧត្ដមបណ្ឌិត ម៉ុង ឫទ្ធី ជូនថវិកាដល់លោក ស៊ឹម វណ្ណា ដែលធ្លាក់ខ្លួនជួលផ្ទះគេស្នាក់នៅ ដោយបញ្ជាក់ថា ស្នាមបែកមុខបែកមាត់របស់លោក គឺមិនមែនដោយសារគេវាយនោះទេ
អតីតអគ្គនាយកក្រុមហ៊ុនចម្ការកៅស៊ូបឹងកេត លោកឧកញ៉ា ស៊ឹម វណ្ណា ដែលធ្លាប់មានលុយរាប់លានដុល្លារ មានមុខមាត់ក្នុងសង្គម ប្រែបែរជាបច្ចុប្បន្ននេះស្នាក់នៅផ្ទះជួលយ៉ាងកម្សត់ ហើយបច្ចុប្បន្នលោក ស៊ឹម វណ្ណា ក៏នៅម្នាក់ឯង។ ក្រោយពីទទួលដំណឹងនេះឯកឧត្ដមបណ្ឌិត ម៉ុង ឫទ្ធី ក៏ចាត់ឲ្យក្រុមការងាររបស់លោក ដើរស្វែងរក និងទៅសួរសុខទុក្ខលោកឧកញ៉ា ស៊ឹម វណ្ណា ផ្ទាល់នៅឯគេហដ្ឋានដែលលោកបានជួលគេនៅជាន់ទី២ ដោយជូនថវិកាមួយចំនួន។ ដោយ ឯកឧត្ដមបណ្ឌិត ម៉ុង ឫទ្ធី បានសរសេររៀបរាប់ថា ៖
“វេលាម៉ោងបីរសៀលថ្ងៃចន្ទទី២៩ ខែកក្កដា ឆ្នាំ២០១៩ ខ្ញុំបានអោយក្រុមការងារទៅស្វែងរកទីតាំងស្នាក់អាស្រ័យរបស់លោកសុឹម វណ្ណា ដេីម្បីនាំយកថវិការទៅជួយសម្រាលទុក្ខលំបាកបានមួយគ្រាសិន និងស្វែងរកការពិតនៃជីវិតចុងក្រោយរបស់គាត់ផងដែរ ។
បេីតាមការសាកសួរប្រជាជនដែលរស់នៅជិតខាងគាត់បានអោយដឹងថា រយៈពេលជិត៥ឆ្នាំកន្លងទៅហើយគាត់រស់នៅឯកោតែម្នាក់ឯងលេីផ្ទះជួលនេះ មិនដែលបានឃេីញចេញទៅណាមកណាទេ ព្រោះថាជណ្ដើរដែកនេះសូម្បីតែមនុស្សជេីងជាស្មាររឹងក៏ពិបាកឡេីងចុះដែរ គាត់បែកមុខនេះមិនមែនគេវាយគាត់ទេគឺកាន់ប៉ាន់តែដេីរដួលទេ ចំពោះដំណឹងថាគាត់ជាអ្នកញៀនល្បែងពីមុនមកក៏មិនដឹងដែរ តែមួយរយៈពេលដែលគាត់មកជួលផ្ទះនៅខាងលេីនេះដូចជាមិនអាចទៅរួចទេ ។ សូមបញ្ជាក់ថាកាលពីលោកសុឹម វណ្ណាមានមុខតំណែងជានាយកក្រុម ហ៊ុនចំការកៅស៊ូបឹងកេតក្នុងទសវត្សឆ្នាំ១៩៩០ខ្ញុំធ្លាប់បានធ្វើជំនួញកៅស៊ូជាមួយគាត់ និងឆ្នាំ១៩៩៨ខ្ញុំបានវិនិយោគសាងសង់រោងចក្រកែច្នៃកៅស៊ូក្រែប ដែលមានកម្លាំងផលិតពីរតោនក្នុងមួយម៉ោងផងដែតែកាលណោះគាត់ចូលចិត្តតែផឹកស៊ី KTV ក្រោយមកឮគេថាគាត់លែងល្បែងសុីសងថែមមួយមុខទៀត” ៕
