ឯកឧត្តម គង់ វិមាន អនុរដ្ឋលេខាធិការ ក្រសួងសាធារណការ និងដឹកជញ្ជូន ថា ផ្លូវគោកគឺមានតែ២ប្រភេទ និងផ្តាំឲ្យអ្នកបកស្រាយខុស មេត្តាកែតម្រូវកុំឲ្យមានការយល់ច្រលំ

បន្ទាប់ពីមានចម្រូងចម្រាស់ចំពោះការបែងចែកផ្លូវគោកនៅប្រទេសកម្ពុជា នៅថ្ងៃនេះ ឯកឧត្តម គង់ វិមាន អនុរដ្ឋលេខាធិការ នៃក្រសួងសាធារណការ និងដឹកជញ្ជូន ក៏បានធ្វើការបង្ហាញតាមច្បាប់ និងផ្តាំឲ្យមានការកែតម្រូវចំពោះការបកស្រាយខុស ចៀសវាងការយល់ច្រលំកាន់តែធំ។

ដោយឯកឧត្តម គង់ វិមាន បានសរសរររៀបរាប់ថា ៖ “ចូរស្វែងយល់ពីផ្លូវ(តាមច្បាប់) ដើម្បីជៀសវាងការបកស្រាយខុស ផ្លូវគោកចែកចេញជា ២ប្រភេទគឺ៖ ផ្លូវថ្នល់ និង ផ្លូវដែក , ផ្លូវថ្នល់ចែកចេញជា ៤ប្រភេទទៀតគឺ៖ ផ្លូវជាតិ ផ្លូវខេត្ត ផ្លូវលំ(ផ្លូវជនបទ) និង ផ្លូវរុក្ខបាល។ ចំណែកឯគមនាគមន៍គឺមាន៣ប្រភេទ គឺ៖ ផ្លូវគោក ផ្លូវទឹក និង ផ្លូវអាកាស ។ អ្នកបកស្រាយខុស សូមកែតម្រូវផង ដើម្បីកុំអោយមានការយល់ច្រឡំដល់មហាជន ដោយរាប់អាន “៕