ណែនាំមិនស្តាប់! អាជ្ញាធរខណ្ឌទួលគោក ចុះវាយកំទេចបង្គោលថ្ម ដែលរំលោភចំណីផ្លូវចោលតែម្តង

ភ្នំពេញ៖ មួយរយៈចុងក្រោយនេះ យើងសង្កេតឃើញនៅតាមបណ្តាខណ្ឌជាច្រើនបានកំពុងតែចុះប្រតិបត្តិការយ៉ាងសកម្ម ដើម្បីរំដោះចំណីផ្លូវមកវិញ ក្រោយមានការរំលោភបំពានពីសំណាក់ម្ចាស់អាជីវកម្ម ក៏ដូចជាម្ចាស់ស្ថាប័នឯកជនមួយចំនួន។ ជាក់ស្តែងកាលពីរសៀលថ្ងៃទី០១ ខែសីហា ឆ្នាំ២០១៩ ម្សិលមិញ កងកម្លាំងសណ្តាប់ធ្នាប់របស់សាលាខណ្ឌទួលគោក បានចុះធ្វើការរំដោះចំណីផ្លូវនៅតាមបណ្តោយផ្លូវ៥៩៨ ក្នុងសង្កាត់បឹងកក់ទី២ រាជធានីភ្នំពេញ ដោយបានវាយកំទេចចោលនូវបង្គោលថ្ម ដែលបានសាងសង់រំលោភចំណីផ្លូវ។

ការរំដោះចំណីផ្លូវមកវិញនេះ ដើម្បីសោភ័ណភាពទីក្រុងយើងមានភាពស្រស់ស្អាត មានអនាម័យល្អថែមទាំងកាត់បន្ថយគ្រោះចរាចរណ៍ និងការកកស្ទះដល់អ្នកធ្វើដំណើរដោយថ្មើរជើងតាមដងចិញ្ចើមផ្លូវ៕

អត្ថបទ៖ សេម
ប្រភព៖ សាលាខណ្ឌទួលគោក