ក្រឡាប់រថយន្តដឹកឥដ្ឋ ប៉ះមកលើអ្នកជិះម៉ូតូនៅតាមផ្លូវ

ក្រុងព្រះសីហនុ-(ដំណឹងបឋម) មានគ្រោះថ្នាក់ចរាចរណ៍មួយបានកើតឡើងរវាងរថយន្តដឹកឥដ្ឋ បានក្រឡាប់ប៉ះទៅលើម៉ូតូ បណ្តាលឲ្យមានមនុស្សមួយចំនួនរងគ្រោះថ្នាក់ ក្នុងនោះបើតាមសេចក្តីរាយការណ៍បឋមពីនគរបាលថា មានមនុស្សយ៉ាងតិច៣នាក់រងរបួស។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោងជាង១០ព្រឹកថ្ងៃទី០៥ ខែសីហា ឆ្នាំ២០១៩ ស្ថិតនៅផ្លូវចំណោតបេតុងវត្តលើ (ចុះមកសង្កាត់លេខ២) ក្រុងព្រះសីហនុ។

ក្រោយកើតហេតុជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យភ្លាម។ ទោះជាយ៉ាងនេះក្តីក្រុមសង្គ្រោះកំពុងកាយគំនរឥដ្ឋរុករកក្រែងមានជនរងគ្រោះកប់ជាប់ក្នុងឥដ្ឋ៕