មានការភ្ញាក់ផ្អើលខ្លាំង បន្ទាប់ពីឃើញអគារកំពស់៩ជាន់មួយ ទើបសាងសង់រួច​ ជិតរង្វង់មូលតោពីរ​ មានស្នាមប្រេះស្រាំច្រើនកន្លែង

ខេត្តព្រះសីហនុ៖ នៅថ្ងៃនេះមានការភ្ញាក់ផ្អើលខ្លាំងបន្ទាប់ពីមានប្រទះឃើញអគារកំពស់៩ជាន់ មួយកន្លែងមានសភាពប្រេះស្រាំ ទាំងដែលជាសំណង់ទើបនឹងសាងសង់រួច។ ក្រោយពីមានការភ្ញាក់ផ្អើលអាជ្ញាធរពាក់ព័ន្ធក៏បានចុះទៅធ្វើការត្រួតពិនិត្យ។

អគារនេះមានយីហោ ផ្ទះនាគ អតីតកន្លែង​លក់ស៊ុប​តោពីរ ស្ថិត​នៅ​ភូមិ៤ សង្កាត់​៤ ខណ្ឌ/ក្រុង ព្រះសីហនុ។ លទ្ធផលនៃការត្រួតពិនិត្យយ៉ាងណាក៏មិនទាន់ដឹង ដោយពេលនេះអាជ្ញាធរពាក់ព័ន្ធកំពុងតែសិក្សាស្តង់ដាអគារកំពស់៩ជាន់មួយនេះ៕