បាញ់ទៀតហើយ!! យ៉ាងហោចណាស់មន្រ្តីប៉ូលីស ៦នាក់ ត្រូវបានជនល្មើសបាញ់ឱ្យរបួស នៅឯក្រុង Philadelphia សហរដ្ឋអាមេរិក

ប៉ូលីសបាននិយាយថា យ៉ាងហោចណាស់មន្រ្តីប៉ូលីស ៦នាក់ ត្រូវរងរបួស នៅក្នុងការប្រឈមមុខដាក់គ្នាយ៉ាងយូរ និងបន្តបន្ទាប់ នៅក្នុងទីក្រុង Philadelphia រដ្ឋ Pennsylvania សហរដ្ឋអាមេរិក។ ប៉ូលីសបាននិយាយថា មន្រ្តីពីរនាក់ និងមនុស្ស ៤នាក់ ផ្សេងទៀត ដែលបានជាប់នៅក្នុងអាគារជាមួយខ្មាន់កាំភ្លើងត្រូវបានរួចចេញមកវិញ ក្នុងរយៈពេលរាប់ម៉ោងក្រោយមក ប៉ុន្តែការប្រឈមមុខដាក់គ្នានៅតែបន្តរហូតដល់ពេលយប់។

ប៉ូលីសបានព្យាយាមបញ្ចុះ​បញ្ចូលជាមួយជនសង្ស័យ ដើម្បីឱ្យរូបគេចុះចាញ់ ហើយមិនបង្កឱ្យមានកាខូចខាតច្រើនជាងនេះ និងសន្យាថាមិនធ្វើឱ្យគេមានរបួសនោះទេ។ របាយការណ៍ក៏បានឱ្យដឹងដែរថា ជនសង្ស័យថែមទាំងបាន livestream សកម្មភាពរបស់ខ្លួន អំឡុងពេលមានការតតាំងជាមួយប៉ូលីសទៀតផង។ ប៉ុន្តែយ៉ាងណាក៏ដោយក្នុងហេតុការណ៍នេះមិនមាននរណាម្នាក់រងរបួសធ្ងន់ធ្ងរទេ ហើយក្រុមប៉ូលីសទាំង ៦នាក់ គ្រាន់តែរងរបួសស្រាលប៉ុណ្ណោះ៕

អត្ថបទ៖ លីដា