កុំចេះតែហ៊ាន! សមត្ថកិច្ចរើបអូសយកម៉ូតូ២៤គ្រឿង និងរថយន្ត២គ្រឿង ដែលចតគ្មានសណ្តាប់ធ្នាប់នៅតាមផ្លូវផ្សារលើក្រុងព្រះសីហនុ

ក្រុងព្រះសីហនុ៖ អាជ្ញាធរបានចាប់យកម៉ូតូចំនួន២៤គ្រឿងនិងរថយន្ត២គ្រឿង យកទៅរក្សាទុកនៅសាលាក្រុងកាលពីព្រឹកថ្ងៃទី២០ ខែសីហា ឆ្នាំ២០១៩ ។ ការចុះចាប់ម៉ូតូនិងរថយន្តនេះបានធ្វើឡើង ដោយរដ្ឋបាលក្រុងព្រះសីហនុដែលមានកម្លាំងប្រជាការពារក្រុងនិងសង្កាត់បានចុះរៀបចំសណ្តាប់ធ្នាប់នៅមុខនិងជុំវិញផ្សារលើ ក្រុងព្រះសីហនុ។

បន្ទាប់ពីអប់រំច្រើនដងមិនស្តាប់ អាជ្ញាធរក៏ចាប់ម៉ូតូនិងរថយន្ត ដែលសមត្ថកិច្ចចម្រុះអះអាងថាចតឥតសណ្តាប់ធ្នាប់នៅតាមផ្លូវផ្សារលើក្រុងព្រះសីហនុ យកទៅរក្សាទុកនៅសាលាក្រុងព្រះសីហនុបណ្តោះអាសន្ន បន្តនីតិវិធីតាមច្បាប់៕

ប្រភព៖ លោក ហ៊ុយ ប៊ុនឡេង