ស្ងាត់ៗឥណ្ឌាទិញបានយន្តហោះចម្បាំង Rafale ចំនួន ៣៦គ្រឿង ឱ្យទ័ពអាកាសរបស់ខ្លួនជាលើកដំបូងបំផុត

យន្តហោះចម្បាំងដំបូងបង្អស់របស់កងទ័ពអាកាសឥណ្ឌា (IAF) នឹងទៅដល់ប្រទេសនេះនៅខែកញ្ញា។ PTI ដកស្រង់ប្រភពរដ្ឋាភិបាលបានរាយការណ៍ថា រដ្ឋមន្រ្តីក្រសួងការពារជាតិលោក Rajnath Singh និងប្រមុខអាកាសសេនាប្រមុខលោក BS Dhanoa គ្រោងនឹងធ្វើដំណើរទៅកាន់ទីក្រុងប៉ារីសនៅខែក្រោយ ដើម្បីទទួលបានយន្តហោះចម្បាំងប្រភេទ Rafale ចំនួន ៣៦គ្រឿង ដំបូងសម្រាប់ IAF ។

របាយការណ៍បាននិយាយថា ពិធីប្រគល់នេះទំនងជានឹងកើតឡើងនៅថ្ងៃទី២០ ខែកញ្ញានេះ ដោយមានវត្តមានមន្ត្រីជាន់ខ្ពស់របស់ក្រុមហ៊ុន Dassault Aviation ដែលជាអ្នកផលិត Rafale និងក្រុមហ៊ុនផលិតយន្តហោះយោធាជាន់ខ្ពស់របស់បារាំង។ ក្រុមកងទ័ពអាកាសជាន់ខ្ពស់របស់ឥណ្ឌាត្រូវបានគេរាយការណ៍ថា ពេលនេះកំពុងស្ថិតនៅក្នុងក្រុងប៉ារីសរួចហើយ ដើម្បីសម្របសម្រួលជាមួយមន្រ្តីបារាំងស្តីពីការប្រគល់ពិធីនេះ។

មានសេចក្តីរាយការណ៍ផងដែរថា បារាំងអាចនឹងផ្តល់ជូននូវការលក់យន្តហោះ Rafale បន្ថែមទៀតដល់ប្រទេសឥណ្ឌា ក្នុងអំឡុងពេលដំណើរទស្សនកិច្ចរបស់លោកនាយករដ្ឋមន្រ្តី Narendra Modi ជាកន្លែងដែលលោកនឹងជួបពិភាក្សាជាមួយប្រធានាធិបតីបារាំងលោក Emmanuel Macron នៅថ្ងៃព្រហស្បតិ៍នេះ៕

អត្ថបទ៖ លីដា