សិង្ហបុរីមានជាសេវាកម្មជួលដៃគូ ដើម្បីផ្តល់ជូនការសប្បាយរីករាយដល់អ្នកនៅលីវ ដែលពិបាកក្នុងការស្វែងរកដៃគូ

ទីក្រុងនៅអាស៊ីភាគច្រើនមានការចំណាយថ្លៃរស់នៅខ្ពស់ ដូច្នេះហើយជារឿយៗការងារតែងតែជារឿងចម្បង ហើយវាពិបាកសម្រាប់មនុស្សគ្រប់គ្នា ក្នុងការស្វែងរកដៃគូ។ ការណាត់ជួបតាមអនឡាញកាន់តែមានភាពទូលំទូលាយ ហើយដំណោះស្រាយថ្មីចំពោះការកើនឡើងនូវចំនួនអ្នកនៅលីវក៏មានភាពប្លែកៗពីគ្នា។ នៅក្នុងប្រទេសសឹង្ហបុរីមានបុរស និងស្ត្រីជាច្រើន បានស្វែងរកនូវកម្មវិធីជួលដៃគូមក DATE ជាមួយគ្នា ជំនួសឱ្យការស្វែងរកស្នេហាបែបយូរអង្វែងទៅវិញ។

សូមបញ្ជាក់ផងដែរថា វាមិនមែនជាពេស្យាចារទេ ប៉ុន្តែវាមានលក្ខណៈស្របច្បាប់តាំងពីយូរមកហើយ។ ជាពិសេសក្រុមហ៊ុនទាំងនោះនឹងផ្តល់កាលបរិច្ឆេទសម្រាប់ការជួល ដើម្បីធានាថាសេវាកម្មរបស់ពួកគេមានភាពស្អាតស្អំ ហើយក្រុមហ៊ុនខ្លះហាមឃាត់មិនឱ្យមានប៉ះពាល់រាងកាយនោះទេ ជាមួយនឹងការលើកទឹកចិត្តបុគ្គលិករបស់ពួកគេ ឱ្យទូរស័ព្ទមកអ្នកគ្រប់គ្រងប្រសិនបើមានអ្វីប្លែក។ ក្នុងនោះផងដែរវេបសាយ Maybe.sg និង SG VIP Escorts ក៏បានដាក់បម្រើនូវសេវាកម្មនេះ ដែលត្រូវបានគេឱ្យឈ្មោះថា “បទពិសោធន៍មានមិត្តស្រី” ។

Maybe.sg បម្រើជូននូវដៃគូប្រុស/ស្រី សម្រាប់ដាក់ជួលក្នុងតម្លៃចាប់ពី ៨០ដុល្លារសិង្ហបុរី រហូតដល់ ៣៨០ដុល្លារសិង្ហបុរី (៥៧-២៧៣ដុល្លារអាមេរិក) ក្នុងរយៈពេលអប្បបរមា ២ម៉ោង។ ហើយរាល់ការ DATE ត្រូវមើលតាមអាយុ និងក្រុមអតិថិជន ដែលសមាជិកដៃគូប្រុស/ស្រី នឹងត្រូវទៅដើរលេងជាមួយ។ អ្វីដែលសំខាន់ គឺពួកគេដើរលេងតែនៅកន្លែងដែលត្រឹមត្រូវប៉ុណ្ណោះ ដូចជា៖ ការលេងហ្គេម, ផឹកកាហ្វេ និងច្រៀងខារ៉ាអូខេជាដើម៕

អត្ថ​បទ៖ លីដា