អតីតឧកញ៉ា ហូរ ចំរើន ត្រូវតុលាការផ្តន្ទាទោសជាប់គុកជាង២ឆ្នាំ និងសងលុយទៅដើមបណ្តឹងជិត១០០លានដុល្លារ

រាជធានីភ្នំពេញ៖ នារសៀលថ្ងៃទី២៧ ខែសីហា ឆ្នាំ២០១៩នេះ តុលាការបានធ្វើការប្រកាសផ្តន្ទាទោស អតីតឧកញ៉ា ហូរ ចំរើន ពីបទឆបោក ដោយសម្រេចដាក់ពន្ធនាគារចំនួន ២ឆ្នាំ៦ខែ និងសម្រេចឲ្យសងលុយទៅដើមបណ្តឹង ដែលជាជនជាតិកូរ៉េ ទឹកប្រាក់ជាង៩៦លានដុល្លារសហរដ្ឋអាមេរិកវិញ។ ក្រៅពីផ្តន្ទាទោសដាក់ពន្ធនាគារ និងសងលុយទៅដើមបណ្តឹងហើយ តុលាក៏បានសម្រេចឲ្យជនជាប់ចោទសងជំងឺចិត្តជូនដើមបណ្តឹងចំនួន៨លានរៀល និងពិន័យចូលរដ្ឋចំនួន៦លានរៀលផងដែរ៕