ចាប់ពីថ្ងៃនេះយានយន្តដឹកទំនិញផ្សេងៗមានកម្ពស់ត្រឹម៤ម៉ែត្រចុះ ទើបអាចឆ្លងកាត់ស្ពានអាកាសក្បាលថ្នល់បាន

ភ្នំពេញ៖ យោងតាមការប្រកាសរបស់រដ្ឋបាលរាជធានីភ្នំពេញបានឲ្យដឹងដល់បងប្អូនធ្វើដំណើរឆ្លងកាត់ស្ពានអាកាសក្បាលថ្នល់ទាំងអស់មេត្តាជ្រាបថា ចាប់ពីថ្ងៃទី០២ ខែកញ្ញា ឆ្នាំ២០១៩នេះតទៅ ការដ្ឋានស្ពានអាកាសក្បាលថ្នល់ នឹងតម្លើងពុម្ពដែកកម្រាលតួស្ពាន កម្ពស់ពីកម្រាលកៅស៊ូថ្នល់ +៤.០០ម។

ដូច្នេះដើម្បីធានាបានសុវត្ថិភាពជូនបងប្អូនអ្នកធ្វើដំណើរឆ្លងកាត់ទីតាំងនេះគ្រប់ប្រភេទ សូមយានយន្តទាំងអស់ផ្ទុកទំនិញផ្សេងៗត្រឹមកម្ពស់ ៤.០០មចុះក្រោមជាកំហិត៕