នោះៗ! លេងធម៌ក្តៅហើយ រថយន្តចតគ្មានសណ្តាប់ធ្នាប់ ត្រូវចាក់សោរកង់និងអូសយកទៅទុកនៅ​អធិការ​ដ្ឋានខណ្ឌទួលគោក ដោយគ្មានការយោគយល់

ភ្នំពេញ៖ នៅរសៀលថ្ងៃទី០៤ ខែកញ្ញា ឆ្នាំ២០១៩នេះ រថយន្ត​ចតគ្មានសណ្ដាប់ធ្នាប់នៅក្នុងភូមិសាស្ត្រខណ្ឌ​ទួល​គោក​ ត្រូវ​បានអាជ្ញាធរ​ និង​ សមត្ថកិច្ច​ខណ្ឌ​ ចាក់សោរកង់និងអូសយកទៅទុកនៅ​ អធិការ​ដ្ឋាន​នគរបាល​ខណ្ឌ​ទួលគោក​ ដេីម្បី​ទុកផាកពិន័យ​និងអប់រំម្ចាស់​អោយចេះគោរពច្បាប់ចរាចរ​ ។

គួររំលឹកថាថ្មីៗនេះឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការដ្ឋាននគរបាលរាជធានីភ្នំពេញ បានចេញបទបញ្ជា និងការណែនាំ ឲ្យកម្លាំងនគរបាលនៃការិយាល័យសណ្តាប់ធ្នាប់ ធ្វេីការស្ទូចរថយន្តដែលឈប់ ឬ ចត ល្មេីសនឹងស្លាកសញ្ញា ព្រមទាំងគ្មានសណ្តាប់ធ្នាប់ យកមករក្សាទុកនៅស្នងការដ្ឋាននគរបាលរាជធានីភ្នំពេញ ដោយគ្មានការយោគយល់ឡេីយ៕

រូបភាព៖Peng Sokun/ ប្រភព៖ លោក ផែង វណ្ណៈ