កងទ័ពជើងទឹកភូមិន្ទថៃទិញនាវាថ្មីតម្លៃជិត ២០០លានដុល្លារអាមេរិក ដើម្បីពង្រឹងបេសកកម្មរបស់ខ្លួន

កងទ័ពជើងទឹកភូមិន្ទថៃ (RTN) បានចុះហត្ថលេខាលើកិច្ចសន្យា ដើម្បីទិញនាវាទី២ ពីប្រទេសចិនប្រភេទ Type 071E Landing Platform Dock (LPD) ពីប្រទេសចិន។ កិច្ចព្រមព្រៀងនេះត្រូវបានចុះហត្ថលេខានៅទីក្រុងប៉េកាំងកាលពីថ្ងៃទី៩ ខែកញ្ញា ហើយត្រូវបានគេរាយការណ៍ថា មានតម្លៃ ៦.១ពាន់លានបាត (១៩៩,៦២៨,៦០០ដុល្លារអាមេរិក) និងជាជំនួយការងារឱ្យ HTMS Angthong ដែលមានតម្លៃ ៤.៩លានបាត។ មេបញ្ជាការកងទ័ពជើងទឹកលោក Luechai Ruddit បាននិយាយថា ការស្ថាបនានាវាដែលសាងសង់ដោយប្រទេសចិន នឹងចំណាយពេល ៣ឆ្នាំ ហើយនៅពេលចូលបម្រើការងារ LPD ថ្មីនឹងអនុញ្ញាតឱ្យកងទ័ពជើងទឹកពង្រីកប្រតិបត្តិការកាន់តែទូលំទូលាយ។

គណៈរដ្ឋមន្រ្តីបានយល់ព្រមទិញនាវាមុជទឹក Yuan Class S26T Landing Platform Dock ដំបូង ដែលមានតម្លៃ ១៣.៥ពាន់លានបាត ពីប្រទេសចិនក្នុង ឆ្នាំ២០១៧ ហើយនាវាថ្មីនេះត្រូវបានគេរំពឹងថា នឹងដាក់ឱ្យប្រើប្រាស់នៅ ឆ្នាំ២០២៣ ។ ប្រភពមួយបាននិយាយថា កងទ័ពជើងទឹកគ្រោងនឹងបង្កើតទីភ្នាក់ងារចំនួន ១២ បន្ថែមទៀត ដែលជាផ្នែកមួយនៃដំណើរការរៀបចំរចនាសម្ព័ន្ធឡើងវិញ បន្ទាប់ពីការណែនាំនៃច្បាប់ ឆ្នាំ២០១៩ ស្តីពីកិច្ចការពារសន្តិសុខតាមសមុទ្រ៕

អត្ថបទ៖ លីដា