ប្រាសាទមួយចំនួនក្នុងរមណីយដ្ឋានសំបូរព្រៃគុក កំពុងត្រូវបានអ្នកជំនាញជួសជុលឡើងវិញ

ក្នុងឆ្នាំ២០១៩នេះប្រាសាទមួយចំនួននៅក្នុងរមណីយដ្ឋានសំបូរព្រៃគុក ត្រូវបានមន្រ្តីជំនាញរបស់អាជ្ញាធរជាតិសំបូរព្រៃគុករៀបចំ កែលម្អឡើងវិញជាបណ្តើរៗហើយ។ ក្នុងនោះមានការជួសជុល និងទល់ទ្រប្រាសាទមួយចំនួនដែលប្រឈមនឹងហានិភ័យ ព្រមទាំងការរៀបចំសម្រួលទស្សនាចរណ៍។

សូមបញ្ជាក់ថារមណីយដ្ឋាន​សំបូរព្រៃគុកកសាង​ឡើង​អំឡុង​សតវត្សរ៍​ទី​៧ នា​រាជាណាចក្រ​ចេនឡា ដែល​មាន​ទីតាំង​នៅ​ស្រុក​ប្រាសាទសំបូរ ខេត្ត​កំពង់ធំ ជា​រមណីយដ្ឋាន​សម្បូរ​ទៅ​ដោយ​ព្រៃ​ឈើ​ធំៗ សំឡេង​សត្វ​រៃ​យំ​អម​ដោយ​សម្រស់​ព្រៃ​ឈើ ដែល​ដុះ​ស្រោង​ព័ទ្ធ​ជុំវិញ​ប្រាសាទ៕

ប្រភព៖ អាជ្ញាធរជាតិសំបូរព្រៃគុក។