ឆ្នាំនេះ​ ពិធីអ៊ុំទូកផ្កាចា​រ នៅអាងទឹកព្រៃនប់ ខេត្តព្រះសីហនុ​ នឹងរៀបចំយ៉ាងអធឹកអធម​ ជាងឆ្នាំមុន​

ក្រុងព្រះសីហនុ៖ ឆ្នាំនេះ​ពិធីអ៊ុំទូកផ្កាចា​រ នៅអាងទឹកព្រៃនប់​ នឹងរៀបចំយ៉ាងអធឹកអធម​ ជាងឆ្នាំមុន​។ ថ្លែងក្នុងកិច្ចប្រជុំគណៈកម្មការរៀបចំពិធីបុណ្យអ៊ុំទូកផ្កាចារ​ នាព្រឹកថ្ងៃទី​២៤ ខែតុលា ឆ្នាំ២០១៩ លោក​ ម៉ាង​ ស៊ីណេត​ អភិបាលរងខេត្តព្រះសីហនុ​ បានកំណត់ច្បាស់ថា​ ឆ្នាំនេះគណៈកម្មការនឹងរៀបចំអោយបានធំជាងមុន​ ដោយមានដូចជាតន្ត្រីសម័យ​ ល្បែងប្រជាប្រិយ​ បង្ហោះគោម​ បាញ់កាំជ្រួច និងមានកម្មវិធីសប្បាយៗជាច្រេីនទៀត​ ។

ទូកទាំង​អស់មានការចូលរួមមកពីតាមបណ្តាក្រុង​ ស្រុកទាំង៥​ ក្នុងខេត្តព្រះសីហនុ​ ដោយកម្មវិធីនឹងរៀបចំនៅអាងទឹកព្រៃនប់​ (​ វត្តព្រៃនប់​ )​ ឃុំព្រៃនប់​ ស្រុកព្រៃនប់​ ខេត្តព្រះសីហនុ នាថ្ងៃទី​០២ និង០៣ ខែវិច្ឆិកា​ ឆ្នាំ២០១៩​​៕​

ប្រភព៖ រដ្ឋបាលខេត្តព្រះសីហនុ