ឃាត់ខ្លួនជនជាតិវៀតណាមចំនួន ១១នាក់ ដែលលួចឆ្លងដែនមកធ្វើការ និងស្នាក់នៅដោយខុសច្បាប់

ខេត្តព្រះសីហនុ៖ កម្លាំងនគរបាលទីស្នាក់ការត្រៀមបណ្តេញចេញ ខេត្តព្រះសីហនុ បានសហការជាមួយ កម្លាំងនគរបាលនាយកដ្ឋានជនបរទេសអន្តោប្រវេសន្ត ជាអ្នកវិនិយោគឯកជន ដោយមានការចូលរួមពី លោកស្នងការរងទទួលផែនអន្តោប្រវេសន៍ នៃស្នងការដ្ឋាននគរបាលខេត្ត និងមន្ទីរការងារខេត្ត

នារសៀលថ្ងៃទី២៤ ខែតុលា ឆ្នាំ២០១៩ បានធ្វើការឃាត់ខ្លួនជនបរទេស ជាជនជាតិវៀតណាមចំនួន ១១នាក់ ដែលលួចឆ្លងដែនមកធ្វើការ និងស្នាក់នៅដោយខុសច្បាប់ ស្ថិតក្នុងសង្កាត់លេខ៣ ក្រុងព្រះសីហនុ ខេត្តព្រះសីហនុ។ បច្ចុប្បន្នជនជាតិវៀតណាមទាំង១១នាក់ ត្រូវបានកម្លាំងមានសមត្ថកិច្ច យកមកទីស្នាក់ការត្រៀមបណ្ដេញចេញ ដើម្បីធ្វើការសាកសួរ និងអនុវត្តតាមនីតិវិធីបន្ត៕

ប្រភព៖ អគ្គនាយកដ្ឋានអន្តោប្រវេសន៍