កុំថាឡើយរបស់ពិត សូម្បីតែរបស់កាឡៃក៏គាស់លួចយកគ្មានសល់ដែរ
ខេត្តបាត់ដំបង៖ នៅព្រឹកថ្ងៃ ព្រហស្បតិ៍ ៣រោច ខែ កត្តិក ឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី ១៤ ខែ វិច្ឆិកា ឆ្នាំ២០១៩ អនុវត្តតាមបទបញ្ជារបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងតាមការដឹកនាំរបស់លោកឧត្តម សេនីយ៍ត្រី ជេត វណ្ណី ស្នងការរងផែនការងារព្រហ្មទ័ណ្ឌ លោកវរសេនីយ៍ឯក អូន ហ្វៃ នាយការិយាល័យនគរបាលព្រហ្មទ័ណ្ឌកំរិតធ្ងន់នៃស្នងការដ្ឋាន ធ្វេីការសហការណ៍ស្រាវជ្រាវឃាត់ខ្លួនជនស័ង្សយចំនួន០១នាក់ឈ្មោះ សាយ ឌុក ភេទប្រុស អាយុ ២០ឆ្នាំ រស់នៅភូមិរតន: សង្កាត់រតន: ក្រុងបាត់ដំបង ដែលជាជនដៃដល់ក្នុងករណី (គាស់ទូ) លួចយកទ្រព្យសម្បត្តិរបស់ប្រជាពលរដ្ឋជាអាជីវករឈ្មោះ គឿង ជឿងថាក់ ភេទស្រី អាយុ២៣ឆ្នាំរស់នៅភូមិ១៣ មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង និងដកហូតបានទ្រព្យសម្បត្តិជារបស់ជនរងគ្រោះមួយចំនួនធំ។
សូមជម្រាបជូនថា កាលពីយប់ថ្ងៃទី ៩ ខែ វិច្ឆិកា ឆ្នាំ២០១៩ នៅក្នុងផ្សារ១៣មករា សង្កាត់ព្រែកព្រះស្តេច ក្រុងបាត់ដំបង ខេត្តបាត់ដំបង ជនសង័្សយមិនស្គាល់មុខបាន (គាស់ទូ) កញ្ចក់លួចយកសម្ភារ:ជាគ្រឿងអលង្ការ (កាឡៃ) និងសម្ភារ:ជាគ្រឿងសំអាងជាច្រេីនមុខរបស់ឈ្មោះគឿង ជឿងថាក់ ភេទស្រី អាយុ ២៣ឆ្នាំ ដែលជាអាជីវករលក់ដូរក្នុងផ្សារខាងលេី ហេីយសម្ភារ:បាត់បង់សរុបទឹកប្រាក់ជាប្រាក់ដុល្លាចំនួន១៨,០០០ដុល្លាអាមេរិក(មួយម៉ឺនប្រាំបីពាន់ដុល្លា) និងជាប្រាក់រៀលចំនួន៣,០០០,០០០រៀល(បីលានរៀល)។
ក្រោយពេលបាត់បង់ជនរងគ្រោះបានដាក់ពាក្យបណ្តឹងដល់សមត្ថកិច្ចនគរបាល ហេីយក្រោយពេលធ្វេីការស្រាវជ្រាវទេីបឈានដល់ការឃាត់ខ្លួនជនសង័្សយខាងលេី និងដកហូតយកទ្រព្យសម្បត្តិទាំងនេះ។ ជនស័ង្សយកំពុងរៀបចំសំណុំរឿងបញ្ជូនទៅសាលាដំបូងខេត្តបាត់ដំបងចាត់ការតាមផ្លូវច្បាប់ រីឯសម្ភារ:ដែលដកហូតបាន ប្រគល់ជូនម្ចាស់វិញ៕
ប្រភព៖ ស្នងការដ្ឋានខេត្តបាត់ដំបង