ព្រះមហាថេរ ឡឹង ធៀម ព្រះរាជាគណៈថ្នាក់ចត្វា និងជាចៅធិការវត្តដំរិល ខេត្តត្បូងឃ្មុំ បានសុគតក្នុងព្រះជន្មាយុ ១០៥ព្រះវស្សា ដោយជរាពាធ

ត្បូងឃ្មុំ៖ ព្រះសីលសំវរ ឥន្ទត្ថេរ ឡឹង ធៀម ព្រះរាជាគណៈថ្នាក់ចត្វា គណៈមហានិកាយនៃព្រះរាជាណាចក្រកម្ពុជានឹងជាព្រះគ្រូចៅអធិការវត្តសេតហត្ថី ហៅ(ដំរិល) ឃុំដំរិល ស្រុកអូរាំងឪ ខេត្តត្បូងឃ្មុំ ដែលបានទទួលអនិច្ចធម្មនៅក្នុងព្រះជន្មាយុ ១០៤ព្រះវស្សា ដោយជរាពាធ កាលពីវេលាម៉ោង ១០ និង ២៨ នាទី យប់ថ្ងៃអាទិត្យ ៦រោច ខែកត្តិក ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ១៧ ខែវិច្ឆិកា ឆ្នាំ ២០១៩។

ការបាត់បង់ព្រះសីលសំវរ ឡឹង ធៀម គឺជាការបាត់បង់នូវព្រះមហាថេរ និងជាបញ្ញវន្ត័សង្ឃ ដែលមានបទពិសោធន៍ចាស់ទុំ របស់ព្រះពុទ្ធសាសនាថេរវាទកម្ពុជា សូមព្រះវិញ្ញាណខន្ធព្រះសពនិមន្តទៅកាន់ឋានសុគតិភពគ្រប់ៗជាតិកុំបីឃ្លៀងឃ្លាតឡើយ៕

ប្រភព៖ រដ្ឋបាលខេត្តត្បូងឃ្មុំ