សិស្សស្រីវ័យ២០ឆ្នាំម្នាក់ ត្រូវបានប្រទះឃើញស្លាប់ក្នុងបន្ទប់ទឹក សង្ស័យបណ្តាលមកពីខ្យល់គ

ខេត្តព្រះសីហនុ៖ យុវតីវ័យ២០ឆ្នាំម្នាក់ជានិស្សិតឈ្មោះ ឃាង ចាន់សូលីដា ត្រូវបានប្រទះឃើញថាស្លាប់ក្នុងបន្ទប់ទឹក ដោយសមត្ថកិច្ចសន្និដ្ឋានជំហានដំបូងថា បណ្តាលមកពីខ្យល់គ។ ហេតុការណ៍នេះបង្កការភ្ញាក់ផ្អើលនៅព្រឹកថ្ងៃទី២៦ ខែវិច្ឆិកា ឆ្នាំ២០១៩ នៅក្នុងផ្ទះក្រុម១ ភូមិ៣ ឃុំអូរត្រេះ ស្រុកស្ទឹងហាវ ខេត្តព្រះសីហនុ។

បើតាមសមត្ថកិច្ចបញ្ជាក់ថា ជនរងគ្រោះបានស្នាក់នៅផ្ទះលោកគ្រូបង្រៀនម្នាក់ នៅវិទ្យាល័យស្ទឹងហាវ។ ករណីនេះ សមត្ថកិច្ចចាត់ចែង ធ្វើកោសល្យវិច្ច័យតាមបច្ចេកទេសនិងបញ្ជាក់ថា ជនរងគ្រោះស្លាប់ដោយគាំងបេះដូង (ខ្យល់គ)៕

ប្រភព៖ Huy Bunleng