សមត្ថកិច្ចចាប់ខ្លួនស្ត្រីរកស៊ីផ្លូវភេទ និងអ្នកគកជេរជាច្រើននាក់នៅជុំវិញរង្វង់មូលវត្តភ្នំ

បើយោងតាមការបញ្ជាក់ពី រដ្ឋបាលខណ្ឌដូនពេញ បានឲ្យដឹងថា ដោយអនុវត្តន៍តាមបទបញ្ជារបស់ លោក សុខ ពេញវុធ អភិបាលនៃគណៈអភិបាលខណ្ឌដូនពេញ នៅថ្ងៃទី១៧ ខែធ្នូ​ ឆ្នាំ២០១៩ វេលាម៉ោង២២ និង០០នាទី កំលាំងជំនាញខណ្ឌ ប៉ុស្តិ៍នគរបាលវត្តភ្នំបានចុះបង្ក្រាប ករណីស្ត្រីរកសុីផ្លូវភេទ និងអ្នកគកជេរ(អ្នកចាប់ម៉ូយ) ស្ថិតនៅចំណុចផ្លូវលេខ ៩២. ៩៤. ៩៦ និងជុំវិញរង្វង់មូលវត្តភ្នំ រាជធានីភ្នំពេញ។

ជាលទ្ធផលនៃកិច្ចប្រតិបត្តិការនេះ បានបញ្ចប់នៅវេលាម៉ោង ០២ និង០០នាទីរំលងអាធ្រាតចូលថ្ងៃទី១៨ កម្លាំងសមត្ថកិច្ចប្រមូលបានសរុបរួមចំនួន០៦នាក់ ស្រី០៦នាក់ ហើយអធិការដ្ឋានបានធ្វើការបញ្ជូនស្ត្រីរកស៊ីផ្លូវភេទ ខាងលើទៅមន្ទីរសង្គមកិច្ចរាជធានីភ្នំពេញ៕