រន្ធត់ខ្លាំងណាស់! រកឃើញសាកសពទារក និងស្រ្តីម្នាក់ទៀតនៅក្នុងគំនរអគារបាក់រលំនាព្រឹកនេះ

បើយោងតាមការបញ្ជាក់ពី កងពលតូចលេខ៧០ បានឲ្យដឹងថា នៅព្រឹកថ្ងៃទី០៥ ខែមករា ឆ្នាំ២០២០ ក្រុមជួយសង្គ្រោះបានរកឃេីញសាកសពទារក និងស្រ្តីម្នាក់ទៀតនៅក្នុងគំនរអគារបាក់រលំនា ហើយសាកសពទាំង២នាក់នេះនៅមិនទាន់ស្គាល់អត្តសញ្ញាណនៅឡើយនោះទេ។

គិតមកត្រឹមវេលាម៉ោង០៨ និង២០នាទីព្រឹកថ្ងៃទី០៥ ខែមករា ឆ្នាំ២០២០នេះ ក្រុមជួយសង្គ្រោះបានធ្វើការជួយសង្គ្រោះជនរងគ្រោះ ដែលកប់នៅក្រោមគំនរបាក់បែករបស់អគារបាក់រលំនៅខេត្តកែប មានចំនួនសរុប៤៥នាក់ ក្នុងនោះមានអ្នកស្លាប់២២នាក់ (ប្រុស១៣នាក់ និងស្រី០៩នាក់) និងអ្នកនៅរស់រានមានជីវិតចំនួន២៣នាក់៕