យូ ឌីស្កូ អញ្ជេីញសិល្បករសិល្បការិនី ចូលរួមបុណ្យគំរប់៧ថ្ងៃនិង១០០ថ្ងៃ​របស់អ្នកម្តាយខ្លួន

កាលពីពេលថ្មីៗនេះតារាសម្តែងលោក យូ ឌីស្កូ បានជួបទុក្ខធំជាពន់ពេកដោយអ្នកម្តាយជាទីស្រលាញ់បានទទួលមរណភាពកាលពីថ្ងៃទី០៦ ខែមករា ឆ្នាំ២០២០ ក្នុងជន្មាយុ៧០ឆ្នាំ ដោយរោគាពាធ។ យ៉ាងណាមិញ លោក យូ ឌីស្កូ បានអញ្ជើញដល់មហាជន និងសិល្បករ សិល្បការិនី ចូលរួមពិធីបុណ្យខួប៧ថ្ងៃនិង១០០ថ្ងៃ ដែលនឹងធ្វើឡើងនៅថ្ងៃអាទិត្យ​ ទី១២​ ខែមករា​ ឆ្នាំ២០២០​ នេះ ដោយលោកបានប្រកាសនៅលើបណ្តាញសង្គមយ៉ាងដូច្នេះថា៖

“ជំរាបសួរបងប្អូនមិត្តភក្តិនៅក្នុងហ្វេសប៊ុកនិងសិល្បករ​សិល្បការិនីខ្មែរទាំងអស់​ ខ្ញុំសូមគោរពអញ្ជេីញបងប្អូនចូលរួម​ បុណ្យគំរប់៧ថ្ងៃនិង១០០ថ្ងៃ​ អ្នកម្តាយខ្ញុំនៅថ្ងៃ​អាទិត្យ​ ទី១២​ ខែមករា​ ឆ្នាំ២០២០​ នេះ​ផង។ គួរពុំគួរក៏សូមអធ្យាស្រ័យ ដល់ខ្ញុំនឹងក្រុមគ្រួសារដែលមិនបានអញ្ជេីញផ្ទាល់មាត់នឹិងជួបផ្ទាល់ដោយក្តីអនុគ្រោះផង។ សង្ឃឹមថាបងប្អូននឹងផ្តល់វត្តមានសំរាប់ក្រុមគ្រួសារខ្ញុំផងចុះ”៕

/>