អភិបាលខេត្តព្រះសីហនុ ប្រកាសរកជំនួយបច្ចេកទេសបញ្ហារណ្តៅបង្គន់លាមកជាង១០០កន្លែងនៅឆ្នេរអូរត្រេះ
- January 17, 2020
ក្រុងព្រះសីហនុ៖ កាលពីថ្ងៃទី១៥ ខែមករា ឆ្នាំ២០២០កន្លងទៅ អជ្ញាធរខេត្តព្រះសីហនុបានបន្តចុះរុះរើតូប និងកន្លែងលក់ដូរ ប្រមាណ១៥០តូប ដែលអាជ្ញាធរខេត្តចាត់ទុកថា ជាការតាំងកន្លែងលក់ដូរមិនស្របច្បាប់ ដើម្បីយកឆ្នេរទុកជាកន្លែងកំសាន្តសាធារណៈ។ អាជ្ញាធរខេត្តព្រះសីហនុ បានលើកឡើងថា ការរុះរើនេះមិនមែនក្នុងគោលដៅប្រមូលយកដីឆ្នេរសមុទ្រតំបន់នេះ ទុកជាសម្បត្តិរដ្ឋវិញនោះទេ ដោយរដ្ឋបាលខេត្តមានគម្រោងធ្វើផ្លូវ និងសួនច្បារ រួមនិងកែលម្អសោភណ្ឌ័ភាពតាមបណ្តោយឆ្នេរឡើងវិញ ដើម្បីទុកជាឆ្នេរសាធារណៈ សម្រាប់ភ្ញៀវទេសចរណ៍មកលេងកម្សាន្ត។
ក្រោយពេលចុះរុះរើ និងសំអាតសំរាម អំពីការលក់ដូរ នៅឆ្នេរ អូរត្រេះរួច គឺនៅសល់រណ្ដៅ បង្គន់លាមក ចំនួន ១៣៦ រណ្ដៅ។ ជុំវិញបញ្ហានេះផងដែរ ឯកឧត្តម គួច ចំរើន អភិបាលខេត្តព្រះសីហនុ បានធ្វើការប្រកាសសុំជំនួយបច្ចេកទេស ដើម្បីរកដំណោះស្រាយថា តេីត្រូវធ្វេីបែបណា ដេីម្បីកុំអោយរណ្ដៅនេះបង្កផលប៉ះពាល់ដល់ឆ្នេរ? បេីនៅបន្តទៀត តេីឆ្នេរសាធារណៈរបស់យេីង ទៅជាយ៉ាងណា?
- Share This Post: