ចោរបន្លំធ្វើជាជាង GPS លួចរថយន្តស៊េរីទំនើប Lexus NX200T លួចបានហើយប្រុងយកទៅបាញ់ដូរពណ៌ សំណាងសមត្ថកិច្ចរកឃើញទាន់ (មានវីដេអូ)
- January 21, 2020
រាជធានីភ្នំពេញ៖ កាលពីព្រឹកថ្ងៃទី១៨ ខែមករា ឆ្នាំ២០២០ មានការភ្ញាក់ផ្អើលមួយ ដោយមានជនសង្ស័យម្នាក់បន្លំថា ជាជាងមកមេីល GPS ឡាន ដោយអ្នកផ្ទះរវល់ក៏អោយខ្លួនមកមេីល ហេីយក៏ឆ្លៀតឱកាសយករថយន្តចេញទៅបាត់តែម្តង។ ហេតុការណ៍នោះកើតឡើងស្ថិតនៅក្នុងភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ចំណែកឯរថយន្តដែលចោរធ្វើសកម្មភាពលួច ម៉ាក Lexus NX200T ពណ៌ស ពាក់ផ្លាកលេខ ភ្នំពេញ 2AY-6695។
បន្ទាប់ពីចេញប្រតិបត្តិការស្រាវជ្រាវរួចមក កាលពីវេលាម៉ោង២២ និង៣០នាទីថ្ងៃទី២០ ខែមករា ឆ្នាំ២០២០ ម្សិលមិញនេះ កម្លាំងសមត្ថកិច្ចខណ្ឌសែនសុខ បានធ្វើការឃាត់ខ្លួនចោរលួចរថយន្តស៊េរីទំនើប Lexus NX 200T នោះបាននៅក្នុងភូមិក្រាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ។ ជនសង្ស័យរូបនោះបាននិយាយថា ក្រោយលួចឡានបានហើយប្រុងយកទៅបាញ់ដូរពណ៌ពីពណ៌ស ទៅពណ៌ខ្មៅ ដោយជាងគេយកតម្លៃ៣០០ដុល្លារជាង រួចក៏ត្រូវសមត្ថកិច្ចចាប់ខ្លួនតែម្តង។ ខាងក្រោមនេះគឺជាសំដីរបស់ចោរ ក្រោយធ្វើសកម្មភាពលួចរថយន្តបាន៖
អត្ថបទ៖ សេម
រូបភាព និងវីដេអូ៖ លោក ប្រាក់ វ៉ាន់ដា
- Share This Post: