ឆ្លងភ្លើងអំពូលកុងម៉ា បង្កជាអគ្គិភ័យឆេះផ្ទះថ្មមួយកន្លែងនៅខណ្ឌពោធិ៍សែនជ័យ
រាជធានីភ្នំពេញ៖ ឆ្លងរន្តអគ្គិសនីអំពូលកុងម៉ា បង្ករជាអគ្គិភ័យឆាបឆេះផ្ទះថ្មបេតុងទំហំ(០៤ម៉ែត្រx១៥ម៉ែត្រ) មួយកន្លែង ស្ថិតនៅក្នុង ភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង ៨ និង២០នាទីព្រឹក ថ្ងៃទី២៤ ខែមករា ឆ្នាំ២០២០ ។ មន្ត្រីនគរបាលខណ្ឌពោធិ៍សែនជ័យបានឲ្យដឹងថា៖ ម្ចាស់ផ្ទះឈ្មោះ មាស វង្សសា ភេទប្រុស អាយុ៣៨ឆ្នាំ មុខរបរ មន្ត្រីយោធា ។
- មូលហេតុ៖ ផ្ទុះសេអំពូលកុងម៉ាបង្ករជាអគ្គិភ័យ ។
- ឆេះខូចខាត៖ ឆេះបន្ទប់ទំហំ០៤ម៉ែត្រx០៥ម៉ែត្រ ម៉ូតូម៉ាកធូដេចំនួន០១គ្រឿងឆេះអស់ប្រហែល៣០% ,ម៉ូតូម៉ាកម៉ូរ (Moov) ចំនួន០១គ្រឿងស្លាកលេខ ១DG ៥៥៣៦ ឆេះអស់ប្រហែល៥០%, ទូរទស្សន៍ចំនួន ០១គ្រឿង ទូរសម្លៀកបំពាក់ចំនួន ០១ទូ នឹងពុំបណ្ដាលអោយឆេះរាលដាលដល់ផ្ទះអ្នកនៅក្បែរខាងឡើយ ។
-ស្លាប់និងរបួសមនុស្សៈគ្មាន ។
ប្រត្តិបត្តិការនេះប្រើប្រាស់រថយន្តការិ.អគ្គិភ័យ: ចំនួន ០១ គ្រឿង ប្រើប្រាស់ទឹកអស់ចំនួន០១ ឡានស្មើនឹង ០៤ម៉ែត្រគូប ។ ករណីអគ្គិភ័យនេះពន្លត់ចប់៖ នៅម៉ោង០៨និង៤០នាទីព្រឹក ថ្ងៃខែឆ្នាំដដែល៕
ប្រភព៖ អគ្គស្នងការដ្ឋាននគរបាលជាតិ