បុរសជនជាតិចិន ដែលផ្ទុកមេរោគកូរ៉ូណា ត្រូវដាក់ក្នុងបន្ទប់ដាច់ដោយឡែកពីគេ ហើយគាត់ចង់បរិភោគអ្វី គឺទូរស័ព្ទមកប្រាប់ ហើយក្រុមគ្រូពេទ្យហ្នឹងយកទៅឲ្យដល់បន្ទប់ (មានវីដេអូ)

ក្រុងព្រះសីហនុ- រូបភាពបុរសជនជាតិ​ចិនអាយុ៦០ឆ្នាំឈ្មោះចាង ជិនហ៊ូ ដែល​ផ្ទុក​មេរោគ​កូរ៉ូណា​ យកអាហារដែលគ្រូពេទ្យរៀបចំទុកដាក់ នៅមុខបន្ទប់ពេទ្យដាច់ដោយឡែក ក្នុង​មន្ទីរពេទ្យ​បង្អែក​ខេត្តព្រះសីហនុ នា​ព្រឹក​ព្រលឹម​ថ្ងៃ​ទី ២៩ ខែ​មករា ឆ្នាំ​២០២០។

មន្ត្រីពេទ្យថ្លែងថា ​បុរសរូបនេះមានសុខភាពមាំធម្មតា មិនស្ថិតក្នុងស្ថានភាពធ្ងន់ធ្ងរទេ ហើយ​ការរៀបចំបែបនេះ គឺធ្វើឡើងដើម្បីទប់ស្កាត់ការចម្លងមកអ្នកផ្សេង ក្នុងនោះនៅពេលអ្នកជម្ងឺរូបនេះ ចង់​បរិភោគ​អ្វី​ គឺ​ទូរសព្ទ័ប្រាប់​ក្រុម​គ្រូពេទ្យ​ ហើយ​ក្រុម​គ្រូពេទ្យ​យក​អាហារ ដែល​គាត់​ចង់​បរិភោគ​ទៅ​ដាក់​នៅ​លើ​តុ​ ​នៅ​ខាងមុខ​បន្ទប់​របស់​គាត់​។ បច្ចុប្បន្នក្រុមគ្រូពេទ្យកំពុងបន្តព្យាបាលតាមបច្ចេកទេស៕ (រូបភាពពីមន្ត្រីមន្ទីរសុខាភិបាលខេត្ត)

ប្រភព៖ លោក Huy Bunleng